O‘zbekistonning shaxmat olimpiadasidagi g‘alabasi sharafiga Toshkentda dronlar shousi namoyish etiladi
Juma kuni oqshomda Toshkentdagi 'Yangi O‘zbekiston' bog‘ida dronlar shousi namoyish etiladi. U mamlakat terma jamoasining Samarqandda o‘tkazilgan 46-Butunjahon shaxmat olimpiadasidagi g‘alabasi sharafiga tashkil etilmoqda. Yo‘l harakati cheklanmaydi.
O‘zbekistonning shaxmat olimpiadasidagi g‘alabasi munosabati bilan Toshkentda dronlar shousi o‘tkaziladi
2-oktabr kuni soat 20:00 da Toshkentdagi “Yangi O‘zbekiston” bog‘ida dronlar shousi namoyish etiladi, deb xabar berdi poytaxt hokimligi.
Tadbir mamlakat terma jamoasining 46-Butunjahon FIDE shaxmat olimpiadasidagi g‘alabasi sharafiga tashkil qilinmoqda.
Shahar ma’muriyati Yangi O‘zbekiston ko‘chasi bo‘ylab transport harakati cheklanmasligini ta’kidladi.
46-Butunjahon shaxmat olimpiadasi va 3-Parashaxmat olimpiadasi ilk bor Samarqandda o‘tkazildi. O‘zbekistonning asosiy erkaklar terma jamoasi to‘rt yil ichida ikkinchi bor g‘oliblikni qo‘lga kiritdi.
Prezident Shavkat Mirziyoyev g‘oliblar va ishtirokchilarni faxriy unvonlar, orden va medallar bilan taqdirladi.
Chempionlarga, shuningdek, uchinchi o‘rinni egallagan parashaxmatchilarga avtomobillar, uy-joy va pul mukofotlari topshirildi.