O‘zbekistonga ko‘chib keluvchilar soni bir yilda 2,5 baravar oshdi

O‘zbekistonga doimiy yashash uchun ko‘chib keluvchilar soni bir yil ichida 2,5 barobarga oshdi. 2026-yilning birinchi yarmida xorijiy mamlakatlardan jami 1 649 kishi O‘zbekistonga doimiy yashash maqsadida ko‘chib kelgan.

Milliy statistika qo‘mitasi ma’lumotlariga ko‘ra, bu ko‘rsatkich 2025-yilning shu davriga nisbatan 976 nafarga ko‘pdir, ya’ni 2,5 barobar o‘sish kuzatilgan.

Xorijdan doimiy yashash uchun kelganlarning asosiy qismi quyidagi davlatlardan bo‘lgan:

* Rossiya – 580 kishi;

* Qozog‘iston – 362 kishi;

* Tojikiston – 147 kishi;

* Boshqa davlatlar – 560 kishi.

Hududlar kesimida xorijdan ko‘chib kelganlar soni quyidagicha taqsimlangan:

* Toshkent shahriga – 1 089 kishi;

* Toshkent viloyatiga – 269 kishi;

* Qoraqalpog‘iston Respublikasiga – 115 kishi;

* Navoiy viloyatiga – 31 kishi;

* Samarqand viloyatiga – 22 kishi;

* Xorazm viloyatiga – 21 kishi;

* Surxondaryo viloyatiga – 18 kishi;

* Sirdaryo viloyatiga – 15 kishi;

* Farg‘ona viloyatiga – 15 kishi;

* Buxoro viloyatiga – 13 kishi;

* Namangan viloyatiga – 13 kishi;

* Jizzax viloyatiga – 12 kishi;

* Andijon viloyatiga – 11 kishi;

* Qashqadaryo viloyatiga – 5 kishi.

Milliy statistika qo‘mitasi ma’lumotlariga ko‘ra, 2025-yilda O‘zbekistonga xorijiy davlatlardan 1 159 kishi doimiy yashash uchun ko‘chib kelgan bo‘lib, ularning aksariyati Rossiya, Qozog‘iston va Tojikistondan bo‘lgan.

2026-yil boshida o‘tkazilgan aholini ro‘yxatga olish natijalariga ko‘ra, O‘zbekistonda yashovchi doimiy aholi orasida o‘zbeklardan keyin tojik millatiga mansublar soni eng ko‘pni tashkil etadi.