O‘zbekistondagi xorijiy korxonalarning har uchtasidan biri savdo sohasida
2026-yil sentyabr boshida mamlakatda 21,5 mingga yaqin xorijiy investitsiyalar ishtirokidagi korxona faoliyat yuritgan
O‘zbekistondagi xorijiy korxonalarning har uchtasidan biri savdo sohasida
1-sentyabr holatiga ko‘ra, O‘zbekistonda xorijiy investitsiyalar ishtirokidagi 21 490 ta korxona faoliyat yuritgan.
Shulardan 7 637 tasi savdo sohasiga to‘g‘ri keladi. Bu jami korxonalarning qariyb 35,5 foizini tashkil etadi.
Sanoat sohasida 4 177 ta, axborot va aloqa sohasida 1 840 ta korxona ishlamoqda. Qurilish sohasida esa 1 769 ta xorijiy investitsiyalar ishtirokidagi korxona qayd etilgan.
Yashash va ovqatlanish bo‘yicha xizmatlar sohasida 945 ta korxona faoliyat yuritmoqda. Tashish va saqlash sohasidagi korxonalar soni 665 tani tashkil etgan.
Qishloq, o‘rmon va baliqchilik xo‘jaligida 541 ta xorijiy korxona ishlamoqda. Sog‘liqni saqlash va ijtimoiy xizmatlar ko‘rsatish sohasida esa 247 ta korxona qayd etilgan. Qolgan 3 669 ta korxona boshqa iqtisodiy faoliyat turlariga to‘g‘ri keladi.