O‘zbekistondagi kiyim ishlab chiqarishning 36 foizi Andijonga to‘g‘ri kelmoqda
8 oy mobaynida mamlakatdagi yirik korxonalar tomonidan 24,2 trln so‘mlik kiyim ishlab chiqarildi
O‘zbekistonda kiyim ishlab chiqarishning 36 foizi Andijonga to‘g‘ri kelmoqda
2026-yil yanvar–avgust oylarida O‘zbekistonda yirik korxonalar tomonidan 24,2 trln so‘mlik kiyim mahsulotlari ishlab chiqarildi.
Hududlar kesimida eng yuqori ko‘rsatkich Andijon viloyatida qayd etildi — 8,7 trln so‘m. Bu mamlakatda yirik korxonalar ishlab chiqargan kiyim mahsulotlarining qariyb 36 foizini tashkil etadi.
Toshkent viloyatida 2,9 trln so‘mlik kiyim ishlab chiqarilgan. Namangan viloyati 2,4 trln so‘m, Toshkent shahri esa 2,2 trln so‘mlik ko‘rsatkich bilan keyingi o‘rinlarni egalladi.
Farg‘ona viloyatida kiyim mahsulotlari ishlab chiqarish hajmi 1,7 trln so‘mni tashkil etdi. Qashqadaryoda 1,3 trln so‘m, Samarqandda 1,2 trln so‘mlik mahsulot ishlab chiqarildi.
Buxoro viloyatida bu ko‘rsatkich 831,3 mlrd so‘m, Xorazmda 772,6 mlrd so‘m, Navoiyda 720,2 mlrd so‘m bo‘ldi.
Sirdaryoda 414,1 mlrd so‘m, Qoraqalpog‘iston Respublikasida 389,8 mlrd so‘mlik kiyim mahsulotlari ishlab chiqarildi.
Surxondaryo viloyatida yirik korxonalar 258,4 mlrd so‘mlik kiyim mahsulotlari ishlab chiqardi. Jizzax viloyatida esa bu hajm 244,8 mlrd so‘mni tashkil etdi.