O‘zbekistonda soliqlarning ixtiyoriy to‘lanishi 89 foizni tashkil etdi
Hududlar kesimida eng yuqori ko‘rsatkich Toshkent shahrida qayd etilib, 94 foizni tashkil qildi
O‘zbekistonda soliqlarni ixtiyoriy to‘lash 89 foizni tashkil etdi
2026 yilning yanvar–sentyabr oylarida O‘zbekistonda yuridik va jismoniy shaxslar tomonidan soliq majburiyatlarini ixtiyoriy bajarish darajasi 89 foizga yetdi. Bu haqda Soliq qo‘mitasi xabar berdi.
Hududlar bo‘yicha eng yuqori natija Toshkent shahrida qayd etilib, 94 foizni tashkil qildi. Qoraqalpog‘iston Respublikasi va Toshkent viloyatida bu ko‘rsatkich 91 foiz, Samarqand viloyatida esa 90 foiz bo‘ldi.
Boshqa hududlarda soliqlarning ixtiyoriy to‘lanish darajasi quyidagicha:
Yirik soliq to‘lovchilar bo‘yicha hududlararo davlat soliq inspeksiyasida soliqlarni ixtiyoriy to‘lash darajasi 96 foizga yetdi.
Soliq turlari kesimida eng yuqori ko‘rsatkich yer qa’ridan foydalanganlik uchun soliqda qayd etildi — 100 foiz. Daromad solig‘i bo‘yicha bu ko‘rsatkich 97 foiz, foyda solig‘ida 96 foiz, aksiz solig‘ida 95 foizni tashkil qildi.
Shuningdek, qo‘shilgan qiymat solig‘i 92 foiz, aylanmadan olinadigan soliq 91 foiz, mol-mulk solig‘i 88 foiz va yer solig‘i 86 foiz darajasida ixtiyoriy to‘langan. Suv resurslaridan foydalanganlik uchun soliq bo‘yicha esa bu ko‘rsatkich 60 foizni tashkil etdi.