O‘zbekistonda savdo xizmatlari yetti oyda 202 trln so‘mga yetdi
Hududlar orasida Toshkent shahri 88 trln so‘m bilan ushbu davrda ham mutlaq ustunlikni saqlab turibdi
O‘zbekistonda savdo xizmatlari yetti oyda 202 trln so‘mga chiqdi
2026-yil yanvar–iyul oylarida O‘zbekistonda savdo xizmatlari hajmi 202 trln so‘mni tashkil etdi. Bu ko‘rsatkich 2025-yilning shu davriga nisbatan 15,2 foizga oshgan.
Savdo xizmatlarining eng katta ulushi Toshkent shahri hissasiga to‘g‘ri kelgan. Poytaxtda ushbu xizmatlar hajmi 88 trln so‘mga yetgan.
Keyingi o‘rinlarda Toshkent viloyati — 16,9 trln so‘m, Farg‘ona viloyati — 13,9 trln so‘m va Samarqand viloyati — 13 trln so‘m bilan qayd etilgan. Andijon viloyatida 10,8 trln so‘mlik, Namanganda 10,7 trln so‘mlik savdo xizmatlari ko‘rsatilgan.
Buxoro viloyatida savdo xizmatlari hajmi 8,8 trln so‘mni tashkil etgan. Qashqadaryoda bu ko‘rsatkich 8,2 trln so‘m, Surxondaryoda 7,6 trln so‘mga teng bo‘lgan.
Xorazm viloyatida 6 trln so‘mlik savdo xizmatlari ko‘rsatilgan. Qoraqalpog‘iston Respublikasida mazkur hajm 5,6 trln so‘mni tashkil etgan.
Jizzaxda 4,7 trln so‘m, Navoiyda 4,6 trln so‘mlik xizmatlar qayd etilgan. Eng past ko‘rsatkichlar Sirdaryo viloyatida kuzatilgan bo‘lib, bu yerda savdo xizmatlari hajmi 2,9 trln so‘mni tashkil etgan.
Ma’lumot o‘rnida, 2026-yilning yanvar–iyul oylarida savdo xizmatlari mamlakatda ko‘rsatilgan jami bozor xizmatlarining 25,2 foizini tashkil etgan.