O‘zbekistonda savdo xizmatlari 214 trln so‘mga yetdi
Ushbu xizmatlar hajmi bo‘yicha Toshkent shahri hududlar orasida yetakchi bo‘ldi
O‘zbekistonda savdo xizmatlari 214 trln so‘mga yetdi
Milliy statistika qo‘mitasi ma’lumotiga ko‘ra, 2026-yilning yanvar–avgust oylarida O‘zbekistonda qariyb 214 trln so‘mlik savdo xizmatlari ko‘rsatilgan.
Bu ko‘rsatkich 2025-yilning shu davriga nisbatan 16,5 foizga oshgan.
Hududlar bo‘yicha eng yuqori natija Toshkent shahrida qayd etilgan. Poytaxtda savdo xizmatlari hajmi 88,6 trln so‘mni tashkil etgan. Bu umumiy hajmning 41 foizidan ko‘prog‘iga teng.
Toshkent viloyatida 19 trln so‘mlik savdo xizmatlari ko‘rsatilgan. Farg‘ona viloyatida bu ko‘rsatkich 15,4 trln so‘m, Samarqand viloyatida esa 14,8 trln so‘m bo‘lgan.
Andijon viloyatida savdo xizmatlari hajmi 11,8 trln so‘mga, Namangan viloyatida 11,1 trln so‘mga yetgan. Buxoro viloyatida 10,4 trln so‘mlik, Qashqadaryo viloyatida 9,1 trln so‘mlik savdo xizmatlari ko‘rsatilgan. Surxondaryo viloyatida hajm 8,4 trln so‘mni tashkil etgan.
Xorazm viloyati va Qoraqalpog‘iston Respublikasining har birida 6 trln so‘mlik savdo xizmatlari qayd etilgan. Jizzax viloyatida bu ko‘rsatkich 5,1 trln so‘m, Navoiy viloyatida 5 trln so‘m, Sirdaryo viloyatida esa 3,2 trln so‘mni tashkil qilgan.