O‘zbekistonda pochta va kurerlik xizmatlari hajmi 4,2 trln so‘mga yetdi
Yilning birinchi yarmida pochta va kurerlik xizmatlari hajmi 18,2 foizga oshdi. Poytaxt ulushi boshqa hududlardan
O‘zbekistonda pochta va kurerlik xizmatlari hajmi 4,2 trillion so‘mga yetdi. Milliy statistika qo‘mitasi ma’lumotlariga ko‘ra, 2026-yilning yanvar-iyun oylarida mamlakatda ko‘rsatilgan pochta va kurerlik xizmatlarining umumiy qiymati 4,2 trillion so‘mni tashkil etgan.
Bu ko‘rsatkich o‘tgan yilning shu davriga nisbatan 18,2 foizga o‘sgan. Xizmatlar hajmining eng katta ulushi Toshkent shahriga to‘g‘ri kelgan. Poytaxtda olti oy davomida 2,3 trillion so‘mlik pochta va kurerlik xizmatlari ko‘rsatilgan. Bu natija ikkinchi o‘rindagi Samarqand viloyati ko‘rsatkichidan qariyb 5 barobar yuqoridir.
Samarqand viloyatida xizmatlar hajmi 462,2 milliard so‘mni, Farg‘ona viloyatida 300,6 milliard so‘mni, Toshkent viloyatida esa 289,9 milliard so‘mni tashkil etgan. Qashqadaryo viloyatida pochta va kurerlik xizmatlari hajmi 260,4 milliard so‘mga yetgan bo‘lsa, Andijon viloyatida bu ko‘rsatkich 167,3 milliard so‘mni tashkil etgan.
Namangan viloyatida 112,1 milliard so‘m, Xorazm viloyatida 55,8 milliard so‘m, Surxondaryo viloyatida 54,3 milliard so‘mlik xizmatlar ko‘rsatilgan. Buxoro viloyatida xizmatlar hajmi 49,6 milliard so‘m, Qoraqalpog‘iston Respublikasida 44,4 milliard so‘m, Sirdaryo viloyatida esa 37,8 milliard so‘m bo‘lgan.
Navoiy viloyatida 33,5 milliard so‘m, Jizzax viloyatida esa 32,3 milliard so‘mlik pochta va kurerlik xizmatlari ko‘rsatilgan.