O‘zbekistonda bugun ham quruq va issiq ob-havo saqlanib qoladi
Harorat 42 darajagacha ko‘tariladi
O‘zbekistonda bugun ham quruq va jazirama ob-havo hukm suradi.
“O‘zgidromet” xabariga ko‘ra, bugun kunduzi yog‘ingarchilik kutilmaydi. Shamol tezligi 7-12 m/s ni tashkil etadi, mamlakat janubida va cho‘l hududlarida esa 13-18 m/s gacha kuchayishi, ayrim joylarda chang-to‘zonlar ko‘tarilishi mumkin. Havo harorati 34-39 daraja atrofida bo‘ladi, shimolda, janubda va cho‘l hududlarining ayrim joylarida esa 40-42 darajagacha ko‘tarilishi prognoz qilinmoqda.
Toshkent shahrida yog‘ingarchilik kutilmaydi. Shamol 3-8 m/s tezlikda esadi. Havo harorati 37-39 daraja issiq bo‘ladi.
Tog‘li hududlarda ham yog‘ingarchilik kutilmaydi. Shamol tezligi 7-12 m/s ni tashkil etadi, ba’zi joylarda 13-18 m/s gacha kuchayishi mumkin. Harorat 25-30 daraja atrofida bo‘ladi.