O‘zbekistonda 7 oyda 61,1 trln so‘mlik to‘qimachilik mahsuloti ishlab chiqarildi

O‘zbekistonda 7 oyda 61,1 trln so‘mlik to‘qimachilik mahsuloti ishlab chiqarildi

O‘zbekistonda 2026 yil yanvar-iyul oylarida yirik korxonalar tomonidan 61,1 trln so‘mlik to‘qimachilik mahsulotlari ishlab chiqarildi. Milliy statistika qo‘mitasi maʼlumotlariga ko‘ra, ishlab chiqarish hajmi yil davomida 17,5 foizga oshgan.

Yetti oy ichida eng katta to‘qimachilik ishlab chiqarishi Farg‘ona viloyatiga to‘g‘ri kelib, bu yerda ko‘rsatkich 8 trln so‘mni tashkil etdi. Ikkinchi pog‘onada 6,3 trln so‘mlik natija bilan Andijon viloyati qayd etildi. Uchinchi o‘rinni esa Qashqadaryo viloyati egallab, ishlab chiqarish hajmi 6 trln so‘mga yetdi.

Xorazm viloyatida yirik korxonalar tomonidan 5,6 trln so‘mlik to‘qimachilik mahsulotlari ishlab chiqarilgan. Namangan viloyatida bu ko‘rsatkich 5,2 trln so‘mni, Buxoro viloyatida esa 4,9 trln so‘mni tashkil etgan.

Samarqand viloyatida ishlab chiqarish hajmi 4,6 trln so‘mga yetgan. Surxondaryo viloyati va Toshkent shahrida esa 4 trln so‘mdan to‘qimachilik mahsulotlari ishlab chiqarilgan. Toshkent viloyatida 3,8 trln so‘mlik mahsulot ishlab chiqarilgan.

Jizzax viloyatida to‘qimachilik mahsulotlari ishlab chiqarish hajmi 2,9 trln so‘mni, Qoraqalpog‘iston Respublikasida esa 2,8 trln so‘mni tashkil etgan.