O‘zbekiston va YI Transkaspiy yo‘lagiga investitsiya kiritish va chegara tartibini yengillashtirishni muhokama qiladi
O‘zbekiston va Yevropa Ittifoqi 30-sentabr kuni Toshkentda Transkaspiy transport yo‘lagi bo‘yicha konferensiya o‘tkazadi. Ishtirokchilar avtomobil va temir yo‘llariga investitsiyalar kiritish, logistikani rivojlantirish hamda xususiy biznesni jalb qilish masalalarini muhokama qiladi.
O‘zbekiston va YI Transkaspiy yo‘lagiga investitsiya kiritish hamda chegara tartibini soddalashtirish masalalarini muhokama qiladi
30-sentabr kuni Toshkentda Transkaspiy transport yo‘lagi bo‘yicha ikkinchi milliy konferensiyada temir yo‘l va avtomobil yo‘llariga investitsiyalar jalb etish, transport hujjatlarini raqamlashtirish hamda chegaradan o‘tishni yengillashtirish masalalari ko‘rib chiqiladi.
Konferensiya O‘zbekiston Transport vazirligi va Yevropa Komissiyasining Xalqaro hamkorlik bo‘yicha bosh direksiyasi hamkorligida tashkil etiladi. Tadbirda davlat organlari, xalqaro moliya institutlari, transport va logistika kompaniyalari vakillari qatnashadi.
Ishtirokchilar Markaziy Osiyo va Yevropa o‘rtasidagi yo‘nalishda O‘zbekiston uchun ustuvor bo‘lgan loyihalarni muhokama qiladilar. Yo‘llarni rivojlantirish va chegara tartib-taomillaridan tashqari, kun tartibiga logistika tarmog‘i, savdo va transport hujjatlarini raqamli shaklga o‘tkazish hamda xususiy biznesni jalb qilish masalalari ham kiritilgan.
Konferensiya Yevropa Ittifoqining Global Gateway strategiyasi doirasida moliyalashtiriladigan Transkaspiy transport yo‘nalishi muvofiqlashtiruvchi platformasi doirasida o‘tkaziladi. Platforma yo‘nalishdagi investitsiyalar va islohotlarni muvofiqlashtirish uchun Markaziy Osiyoning beshta mamlakati, Yevropa Ittifoqi, xalqaro moliya institutlari va boshqa hamkorlarni birlashtiradi.