O‘zbekiston va YeXHT o‘rtasida qo‘shma «yo‘l xaritasi» qabul qilinadi
O‘zbekiston Respublikasi Prezidenti Shavkat Mirziyoyev mamlakatimizga amaliy tashrif bilan kelgan Yevropada xavfsizlik va hamkorlik tashkiloti
O‘zbekiston va YeXHT o‘rtasida qo‘shma «yo‘l xaritasi» qabul qilinadi
Uchrashuv chog‘ida YeXHT hamda uning Parlament assambleyasi bilan hamkorlikni, shu jumladan parlamentlararo muloqotni yanada rivojlantirish istiqbollari muhokama qilindi.
Mazkur nufuzli tuzilma bilan aloqalardagi ijobiy sur’at mamnuniyat bilan qayd etildi. YeXHT Parlament assambleyasida O‘zbekistonning doimiy delegatsiyasi faoliyat olib bormoqda, assambleya vakillari esa mamlakatimizdagi saylovlarni kuzatish jarayonlarida muntazam qatnashib kelmoqda.
Ekologiya, migratsiya va transport yo‘nalishlarida konstruktiv muloqot yo‘lga qo‘yilgan. O‘zbekiston vakili assambleyaning Migratsiya bo‘yicha maxsus qo‘mitasi tarkibiga kiritilgan.
Xalqaro masalalar, jumladan, Markaziy Osiyoda mintaqaviy sheriklikni rivojlantirish borasida ham fikr almashildi.
Amaliy hamkorlikni kengaytirish maqsadida yangi ustuvor yo‘nalishlarni belgilab beradigan qo‘shma «yo‘l xaritasi»ni qabul qilishga kelishib olindi.