O‘zbekiston va Gruziya o‘rtasida E-permit tizimi joriy etildi
Gruziya bilan “ikki tomonlama”, “tranzit” hamda “uchinchi davlatga/dan” turdagi ruxsatnoma blankalari milliy tashuvchilarga ularning arizalari asosida faqat elektron shaklda beriladi.
O‘zbekiston va Gruziya o‘rtasida E-permit tizimi ishga tushirildi.
O‘zbekiston Transport vazirligi Gruziya bilan hamkorlikda xalqaro avtomobil yuk tashishlarida elektron ruxsatnoma (E-permit) tizimini joriy qildi.
Endilikda Gruziya bilan "ikki tomonlama", "tranzit" va "uchinchi davlatga/dan" turdagi ruxsatnoma blankalari taqsimlanadigan blankalar ro‘yxatidan chiqarildi. Ushbu turdagi ruxsatnomalar milliy tashuvchilarga ularning arizalari asosida faqat elektron shaklda (E-permit) beriladi.
Transport vazirligi xabariga ko‘ra, "Ushbu tizimning joriy etilishi ruxsatnomalarni olish jarayonini tezlashtirish, qog‘oz blankalardan foydalanishni kamaytirish, inson omilini minimallashtirish hamda xalqaro yuk tashishlarni amalga oshirishda milliy tashuvchilar uchun yanada qulay va shaffof mexanizm yaratishga xizmat qiladi".