O‘zbekiston Para Osiyo o‘yinlarining beshinchi kunida 7 ta oltin, 8 ta kumush va 10 ta bronza qo‘lga kiritdi
23-oktabr kuni Yaponiyada o‘tayotgan Para Osiyo o‘yinlarining beshinchi kun bahslari yakunlandi. Bugungi 25 ta medal (7 ta oltin, 8 ta kumush va 10 ta bronza) evaziga O‘zbekiston delegatsiyasining umumiy ko‘rsatkichi 45 ta oltin, 49 ta kumush va 51 ta bronza, jami 145 taga yetdi.
O‘zbekiston Para Osiyo o‘yinlarining beshinchi kunida 7 ta oltin, 8 ta kumush va 10 ta bronza medalini qo‘lga kiritdi
23-oktabr kuni Aichi-Nagoyada Para Osiyo o‘yinlarining beshinchi kun bellashuvlari bo‘lib o‘tdi. Bugun qo‘lga kiritilgan 25 ta medal — 7 ta oltin, 8 ta kumush va 10 ta bronza — hisobiga O‘zbekiston delegatsiyasining umumiy natijasi 45 ta oltin, 49 ta kumush va 51 ta bronza, jami 145 taga yetdi. Delegatsiya umumiy jadvalda Xitoy va Yaponiyadan keyin uchinchi o‘rinda bormoqda.
Uzunlikka sakrashda Asila Mirzayorova (T11, 5,04 m) va Husniyo Olimjonova (T12, 5,46 m), shuningdek klub uloqtirishda Xurshid Qodirov (F32, 36,11 m) Para Osiyo o‘yinlari rekordini yangilab, oltin medalga sazovor bo‘ldi. Bundan tashqari, yadro uloqtirishda Karomat Omonova (F46, 13,16 m) va 100 metrga yugurishda Xurshid Qodirov (T71/72, 15,40 s) Osiyo rekordini yangilab, chempion bo‘ldi.
Para suzishda 200 metrga kompleks usulda suzish bahslarida Yegor Bolotov (S13, 2:12.97) Osiyo rekordi bilan, 100 metrga kapalak usulida suzishda Muslima Odilova (S13, 1:07.93) oltin medalni qo‘lga kiritdi.
Uzunlikka sakrashda Yoqutxon Xolbekova (T12, 5,44 m) va Urganchbek Egamnazarov (T11, 6,17 m), 100 metrga yugurishda Nabira Qaymatdinova (T71/72, 20.41 s) ikkinchi o‘rinni egalladi.
Shuningdek, para suzishda 200 metrga kompleks usulda suzishda Dmitriy Xorlin (S13, 2:19.91) va Muslima Odilova (SM13, 2:42.02), 100 metrga kapalak usulida suzishda Mubinabonu Xalilova (S13, 1:19.73) kumush medalga ega bo‘ldi.
Para velosportning guruh poygasida Azimbek Abdullayev (C4−5, 1:48.55) hamda Bunyod Xayitmaxammadov (C1, 5 km, 1:24:08) kumush medalni qo‘lga kiritdi.
Uzunlikka sakrashda Shahrizoda Temirova (T11, 4,73 m) va Qobiljon Shodiyev (T11, 5,74 m), yadro uloqtirishda Shahinaxon Yigitaliyeva (F46, 11,72 m), klub uloqtirishda Sunnat Botirov (F32, 33,67 m), disk uloqtirishda Bunyod Xolmurodov (F54/55/56, 34,70 m), 100 metrga yugurishda Maxliyo Акраmovа (T71/72, 21.66 s) shohsupaning uchinchi pog‘onasiga ko‘tarildi.
Para suzishda 200 metrga kompleks usulda suzishda Mubinabonu Xalilova (SM13, 2:43.64), chalqancha suzishda Lolaxon Qodirova (S5, 42,97 s) va 50 metrga erkin usulda suzishda Sardor Baxtiyorov (S7, 29,72 s) bronza medaliga sazovor bo‘ldi.
Shu bilan birga, Roza Qo‘ziyeva, Ruxshona O‘ktamova va Qudratoy Toshpo‘latovadan iborat O‘zbekiston ayollar jamoasi para pauerlifting bo‘yicha (303.09 ochko) terma jamoa hisobiga bronza medalini qo‘shdi.