O‘zbekiston Osiyo o‘yinlarida 20-oltin medalni qo‘lga kiritdi
Taekvondo WT bo‘yicha terma jamoa a’zosi Jasurbek Jaysunov O‘zbekiston delegatsiyasi uchun mazkur Osiyo o‘yinlaridagi 20-oltin
O‘zbekiston Osiyo o‘yinlarida 20-oltin medalni qo‘lga kiritdi
Yaponiyada davom etayotgan Osiyo o‘yinlarida O‘zbekiston 20-oltin medalga ega chiqdi.
Taekvondo WT bo‘yicha O‘zbekiston terma jamoasi a’zosi Jasurbek Jaysunov delegatsiyamiz uchun mazkur Osiyo o‘yinlaridagi 20-oltin medalni taqdim etdi. -80 kg vazn toifasida qatnashgan sportchimiz finalda Xitoy Taypeyi vakilini mag‘lub etib, chempionlikni rasmiylashtirdi.
Taekvondochi Ozoda Sobirjonova esa Osiyo o‘yinlarining kumush medalini qo‘lga kiritdi. -67 kg vazn toifasida ishtirok etgan yurtdoshimiz finalda eronlik raqibiga imkoniyatni boy berdi.
Boks bo‘yicha O‘zbekiston erkaklar jamoasi Osiyo o‘yinlarining 13-kunida uchta vazn toifasidagi final janglarida qatnashdi.
Avval 90 kilogrammgacha bo‘lgan vazn toifasida O‘zbekiston sharafini himoya qilgan To‘rabek Habibullayev xitoylik Huyejang Hanniga qarshi ringga chiqdi. O‘zbekistonlik bokschi jang davomida to‘liq ustunlik qildi va hakamlar bir ovozdan uning g‘alabasini qayd etishdi (5:0).
Bungacha Osiyo va jahon chempioni unvonlariga ega bo‘lgan 22 yoshli bokschi ilk bor Osiyo o‘yinlari g‘olibligini ham qo‘lga kiritdi (Hangchjoudagi Osiyo o‘yinlarida u bronza bilan qaytgandi).
Olimpiada o‘yinlarining amaldagi g‘olibi, ikki karra jahon chempioni va Osiyo chempioni hisoblangan Halokov uchun bu Osiyo o‘yinlaridagi ikkinchi g‘alaba bo‘ldi. U avvalgi turnirda ham o‘z vazn toifasida tengsiz bo‘lgandi.
Uchinchi finalda esa +90 kg vazn toifasida Jahongir Zokirov Qozog‘iston vakili Aybek O‘ralbayga mag‘lub bo‘ldi (0:5) va kumush medal bilan kifoyalandi.
Bungacha Firuza Kazakova (-51 kg), Sitora Turdibekova (-60 kg), Fazliddin Erkinboyev (-70 kg) va Shavkatjon Boltayev (-80 kg) yarimfinalda yutqazib, bronza medallar bilan ortga qaytadigan bo‘lgandi.
20 ta oltin medal bilan O‘zbekiston umumjamoa hisobida 4-o‘rinda bormoqda.