O‘zbekiston metallurgiya sanoati 6 oyda 183 trln so‘mdan oshdi
Ushbu tarmoqning asosiy qismi 2 ta hudud hissasiga to‘g‘ri keldi
O‘zbekiston metallurgiya sanoati 2026-yilning dastlabki olti oyida 183 trillion so‘mdan ortiq hajmga erishdi.
Milliy statistika qo‘mitasi tomonidan taqdim etilgan ma’lumotlarga ko‘ra, 2026-yilning yanvaridan iyungacha bo‘lgan davrda O‘zbekistonda metallurgiya sanoatining umumiy hajmi qariyb 183 trillion so‘mni tashkil etgan.
Bu natija 2025-yilning shu davriga nisbatan 1,3 foizga o‘sishni ko‘rsatadi. Sanoat ishlab chiqarishining asosiy ulushi Navoiy va Toshkent viloyatlari hissasiga to‘g‘ri kelgan.
Xususan, Navoiy viloyatida metallurgiya sanoati hajmi 120,7 trillion so‘mga yetgan bo‘lsa, Toshkent viloyatida 44,9 trillion so‘mlik mahsulot ishlab chiqarilgan.
Toshkent shahrida metallurgiya sanoati hajmi 10,3 trillion so‘mni tashkil etgan. Samarqand viloyatida esa 4,8 trillion so‘mlik mahsulot ishlab chiqarilgan.
Boshqa viloyatlarda ham sezilarli ko‘rsatkichlar qayd etilgan: Namanganda bu raqam 659,8 milliard so‘m, Sirdaryoda 621,4 milliard so‘m, Jizzaxda esa 262,6 milliard so‘m bo‘lgan.
Farg‘ona viloyatida metallurgiya sanoati hajmi 236,7 milliard so‘m, Buxoroda 185,4 milliard so‘m, Surxondaryoda esa 126 milliard so‘mni tashkil etgan.
Qoraqalpog‘iston Respublikasida 67,8 milliard so‘m, Andijonda 42,6 milliard so‘m, Xorazmda 26,8 milliard so‘m va Qashqadaryoda 16,6 milliard so‘mlik metallurgiya mahsulotlari ishlab chiqarilgan.