O‘zbekiston COP31 konferensiyasida ishtirok etishga tayyorgarlik ko‘rmoqda

O‘zbekiston COP31 konferensiyasida qatnashishga tayyorgarlik ko‘rmoqda

Yig‘ilishda O‘zbekistonning yirik xalqaro iqlim anjumaniga har tomonlama hozirlik ko‘rish masalalari muhokama qilindi. Xususan, ishtirokchilar quyidagi yo‘nalishlarni ko‘rib chiqdilar:

🔹 O‘zbekistonning iqlim o‘zgarishi sohasidagi asosiy ustuvor yo‘nalishlari va tashabbuslari;

🔹 milliy loyihalar va erishilgan natijalarni taqdim etish;

🔹 delegatsiya tadbirlari va ishbilarmonlik dasturini tayyorlash;

🔹 xalqaro hamkorlar bilan o‘zaro hamkorlikni yo‘lga qo‘yish;

🔹 mamlakat ishtirokini axborot va media jihatdan yoritish.

Yig‘ilishda O‘zbekistonning iqlim tashabbuslari, iqlim o‘zgarishiga moslashish va uning oqibatlarini yumshatish bo‘yicha milliy chora-tadbirlari, shuningdek, global iqlim maqsadlariga erishishga qo‘shayotgan hissasini xalqaro hamjamiyatga keng tanishtirish imkonini beradigan yagona kommunikatsiya kun tartibini shakllantirishga alohida e’tibor qaratildi.

Yakunda kelgusidagi vazifalar va hamkorlikda amalga oshiriladigan ishlarning ustuvor yo‘nalishlari belgilab olindi.

COP31 konferensiyasi xalqaro hamkorlikni mustahkamlash va O‘zbekistonning iqlim kun tartibidagi tashabbuslarini xalqaro miqyosda ilgari surish uchun muhim maydon bo‘lib xizmat qiladi.