Olimlar alkogol va saraton bilan bog‘liq xavotirli tendensiyani oshkor qildi
Tadqiqotchilar Qo‘shma Shtatlarda 30 yildan ortiq vaqt davomida kasallanish va o‘lim ma’lumotlarini tahlil qilishdi.
Olimlar alkogol va saraton o‘rtasidagi xavotirli tendensiyani ochiqladi
The Lancet Regional Health Americas jurnalida e’lon qilingan ma’lumotlarga ko‘ra, so‘nggi o‘n yilliklarda alkogol bilan bog‘liq saraton kasalligidan o‘limlar soni ikki baravarga oshgan.
Bu oqibatlar nafaqat jigar saratoniga, balki boshqa ko‘plab saraton turlariga ham ta’sir ko‘rsatgan.
Tadqiqotchilar Qo‘shma Shtatlarda 30 yildan ortiq davr mobaynidagi kasallanish va o‘lim statistikalarini tahlil qilishdi. Alkogol bilan bog‘liq saraton kasalligidan o‘limlar soni 1990-yildagi 11 361 tadan 2023-yilda 23 126 taga yetdi. Eng yuqori o‘lim darajasi erkaklar va 55 yoshdan oshganlar orasida qayd etildi, biroq o‘sish ko‘plab yosh guruhlariga va bir nechta o‘sma turlariga ta’sir qilgan.
20 yoshdan 54 yoshgacha bo‘lgan erkaklar orasida yo‘g‘on ichak saratoni alkogol bilan bog‘liq saraton kasalligidan o‘limning asosiy sababi bo‘lgan, shu yoshdagi ayollar orasida esa ko‘krak bezi saratoni yetakchi o‘rinda turgan. Tadqiqotchilar, shuningdek, qizilo‘ngach, oshqozon osti bezi va boshqa saraton kasalliklarining ham ko‘payganini qayd etishdi.
Mualliflar alkogol saraton rivojlanishi uchun o‘zgartirilishi mumkin bo‘lgan xavf omili ekanini ta’kidlashadi, biroq uning saraton kasalligiga ta’siri aholi tomonidan hanuz kam baholanmoqda.