Obu-havoning oʻzgarishi sababli Kellogg's Rice Krispies tarkibida boshqa guruch donalari boʻlmaydi
Yangi retseptlar tufayli endi nonushtabop yormalar oʻrovida «tarkibida bugʻdoy gluteni bor» degan ogohlantirish paydo boʻladi.
"Kellogg's" kompaniyasi Buyuk Britaniyada "oʻzgaruvchan ob-havo sharoitlari" yetkazib berishni izdan chiqargani sababli "Rice Krispies" va "Coco Pops" qarsildoqlarida guruch donalaridan foydalanishni toʻxtatdi.
Seshanba kuni "Kellogg's" vakilining maʼlum qilishicha, endilikda guruch donalari oʻrniga joʻxori va guruch uni ishlatilmoqda. Uning qoʻshimcha qilishicha, yangilangan retseptlar "sinchkovlik bilan baholangan" va mijozlarning fikr-mulohazalari inobatga olingan.
Oziq-ovqat mahsulotlari Osiyoning asosiy ishlab chiqaruvchi mamlakatlarida quruq ob-havo hosilga zarar yetkazib, hosildorlikni kamaytirgani va narxlarni oshirib yuborganidan soʻng guruch donalari oʻrnini egallamoqda.
Oqibatda, yangi retseptlar sababli nonushta qarsildoqlari qadogʻida endi "tarkibida bugʻdoy glyuteni bor" degan ogohlantirish paydo boʻladi.
AKSh va Kanadada "Rice Krispies" mahsulotlari haqiqiy guruchdan tayyorlanishda davom etadi va retseptda hech qanday oʻzgarishlar kutilmayapti, dedi "Kellogg's"ning Shimoliy Amerika boʻlinmasi vakili Bi-bi-siga.
"Kellogg's" vakili Bi-bi-siga Buyuk Britaniyadagi retsept oʻzgarishi "oʻzgaruvchan ob-havo sharoitlari nonushta qarsildoqlarimizda ishlatiladigan ayrim guruch va don mahsulotlarining sifati hamda mavjudligiga taʼsir qilayotgan bir vaqtda barqaror sifatni saqlab qalishga" yordam berishini aytdi.
"Sevimli mahsulotdagi kichik oʻzgarishlar ham sezilarli boʻlishi mumkinligini tushunamiz, shuning uchun ham biz bu masalaga katta ehtiyotkorlik va eʼtibor bilan yondashdik."
Kompaniya, shuningdek, "Rice Krispies" va "Coco Pops" Buyuk Britaniyaning yogʻ, tuz va shakar darajasi boʻyicha oziq-ovqat standartlariga hamon javob berishini bildirdi.
Nonushta qarsildoqlari tarkibida sunʼiy boʻyoqlar, xushbichimlagichlar yoki shirinlashtiruvchilar mavjud emas va har bir kosadagi ozuqaviy foyda, jumladan kletchatka, D vitamini va temir moddasi oʻzgarishsiz qoladi, deya qoʻshimcha qildi vakil.