«Oʻzbekneftgaz» neft bazalari ilk bor sof foydaga erishdi

«Oʻzbekneftgaz» neft bazalari ilk bor davrni sof foyda bilan yakunladi

2026 yilning toʻqqiz oyi yakunlariga koʻra, «Oʻzbekneftgaz» AJ neft bazalari oʻtgan yilning shu davridagi 108,3 mlrd soʻm zarar oʻrniga 25,2 mlrd soʻm sof foyda oldi. Foyda koʻrgan korxonalar soni uchtadan 13 taga koʻpaydi, deb xabar bermoqda kompaniya matbuot xizmati.

Hisobot davrida neft bazalari tomonidan 191 ming tonna neft mahsulotlari yetkazib berildi — bu oʻtgan yildagidan 1,7 baravar koʻpdir. Yoqilgʻi quyish shoxobchalarida kunlik yoqilgʻi sotish hajmi 245 ming litrdan 1,237 mln litrgacha oshdi.

Modernizatsiya doirasida 121 ta yoqilgʻi quyish punkti zamonaviy YEQQShlarga aylantirildi. 56 ta yoqilgʻi quyish shoxobchasida 87 ta yangi yoqilgʻi tarqatish uskunalari oʻrnatildi. Bundan tashqari, 60 ta YEQQSh videokuzatuv tizimlari bilan jihozlandi, ulardan oʻntasi kompaniyaning situatsion markaziga ulandi.

Kompaniya shuningdek, Buxoro neftni qayta ishlash zavodi oldidagi qarzdorlikni 296,7 mlrd soʻmga, isteʼmolchilarning debitorlik qarzdorligini esa 56,8 mlrd soʻmga kamaytirdi.

Kelgusidagi vazifalar qatorida sotuvlar hajmini oshirish, YEQQShlarni rekonstruktsiya qilish va neft bazalari hamda yoqilgʻi quyish shoxobchalarini raqamlashtirish oʻrin olgan.