Oʻzbekistonliklar 8-avgustga qadar barcha muzeylarga tekin kiradi
2-sentabrdan 8-sentabrga qadar davom etadigan muzeylar haftaligi doirasida oʻzbekistonliklar uchun madaniy meros agentligi tizimidagi davlat muzeylari, muzey-qoʻriqxonalar hamda uy-muzeylariga kirish tekin boʻladi. Bepul kirish imkoniyati boʻlgan muzeylar soni 114 tani tashkil etadi.
Oʻzbekistonliklar 8-avgustga qadar barcha muzeylarga tekin kiradi
Joriy yil 2-sentabridan 8-sentabriga qadar Madaniy meros agentligi tizimidagi davlat muzeylari, muzey-qoʻriqxonalar hamda uy-muzeylarida “Muzeylar haftaligi” tashkil etiladi.
Maʼlum qilinishicha, ushbu haftalik davomida agentlik tizimidagi jami 114 ta davlat muzeyi va muzey-qoʻriqxonalariga oʻzbekistonliklar bepul tashrif buyurishlari mumkin.
“Ushbu haftalik tarix, sanʼat va milliy merosimiz bilan yaqindan tanishish, noyob eksponatlar va qadimiy yodgorliklar haqida yangi maʼlumotlarga ega boʻlish uchun ajoyib imkoniyat”, - deyiladi rasmiy xabarda.
Agentlik barchani mazkur haftalik davomida tashkil etilayotgan ochiq eshiklar kuniga taklif etgan.
Maʼlumot uchun, Oʻzbekistonda muzeylar haftaligi 2014-yildan beri har yili 2-8 avgust kunlari oʻtkazib kelinadi. Vazirlar Mahkamasi qaroriga muvofiq, haftalik doirasida aholining shu kunlari davlat muzeylariga bepul kirishi belgilangan.