Oʻzbekistonlik taekvondochi qizlar Qatar Open turnirining eng yaxshi sportchilari deb tan olindi
Oʻzbekistonlik taekvondochilar Qatar Open turnirining eng yaxshi sportchilari deb topildi
Taekvondo boʻyicha Oʻzbekiston terma jamoasi Dohada oʻtkazilgan Qatar Open xalqaro turnirida oltita medalni qoʻlga kiritdi. Svetlana Saidova oltin medalni qoʻlga kiritdi va musobaqaning eng yaxshi sportchisi deb topildi. Bundan tashqari, Oʻzbekiston ayollar terma jamoasi jamoalar orasida eng yaxshisi deb topildi.
Turnir yakunlariga koʻra, oʻzbekistonlik sportchilar ikkita oltin, bitta kumush va uchta bronza medalga ega chiqishdi.
Saidova 73 kilogrammdan ortiq vazn toifasida gʻalaba qozondi. Jamoaga yana bir oltinni 87 kilogrammgacha boʻlgan vazn toifasida ishtirok etgan Yodgorbek Joʻraboyev keltirdi.
Kumush medalni 57 kilogrammgacha boʻlgan vazn toifasida ishtirok etgan Madina Mirabzalova qoʻlga kiritdi.
Bronza medali sovrindorlari Najmiddin Qosimhojiyev (74 kilogrammgacha), Shabbona Abduvaliyeva (57 kilogrammgacha) va Mohidil Oʻktamjonova (62 kilogrammgacha) boʻlishdi.
Umumjamoa hisobida Oʻzbekiston terma jamoasi Tunis jamoasiga imkoniyatni boy berib, ikkinchi oʻrinni egalladi.
Avvalroq Saidova Lahorda (Pokiston) oʻtkazilgan Butunjahon taekvondo federatsiyasi Prezidenti kubogining kumush medali sovrindori boʻlgan edi.