Oʻzbekistonlik jurnalistlar Pokiston OAVlari, madaniyati va tarixini oʻrganmoqdalar

**Oʻzbekistonlik jurnalistlar Pokiston OAVlari, madaniyati va tarixini oʻrganmoqda**

Tarkibiga «Daryo» muxbiri ham kirgan Oʻzbekiston media delegatsiyasi ayni paytda Pokistonda boʻlib turibdi. Koʻp kunlik dastur OAV sohasidagi hamkorlik, ikki tomonlama aloqalar, madaniy almashinuv va Oʻzbekiston hamda Pokiston oʻrtasidagi xalqlar aro aloqalarni mustahkamlashga qaratilgan.

Guruh tarkibidan Oʻzbekiston bosma nashrlari, televideniye va raqamli OAV vakillari, shuningdek, kontent yaratuvchilar va ijtimoiy tarmoqlar vakillari joy olgan. Tashrif davomida ishtirokchilar Pokiston davlat va xususiy muassasalari rasmiylari bilan uchrashishi, media tashkilotlari hamda madaniy va tarixiy obidalarga tashrif buyurishi koʻzda tutilgan. Islomobodda ular allaqachon Shakarpariandagi Pokiston yodgorligi va Faysal masjidida boʻlib, Pokiston poytaxtining madaniy va meʼmoriy diqqatga sazovor joylari bilan tanishdilar.

Keyinroq oʻzbekistonlik jurnalistlar Pokiston Tashqi ishlar vazirligiga tashrif buyurib, Markaziy Osiyo boʻyicha bosh direktor Hassan Ali Zaygʻam, shuningdek, Markaziy Osiyo masalalari bilan shugʻullanuvchi boshqa rasmiylar va ekspertlar bilan uchrashdilar. Uchrashuv davomida Pokiston rasmiylari delegatsiyaga mintaqaviy oʻzgarishlar va Pokiston-Oʻzbekiston munosabatlari haqida maʼlumot berdi. Muzokaralarda siyosiy aloqalar va iqtisodiy-savdo hamkorligini yanada chuqurlashtirish istiqbollari muhokama qilindi.

Pokiston tomoni ikki davlat oʻrtasidagi tarixiy, diniy va madaniy aloqalarni alohida taʼkidlab, turli sohalarda ikki tomonlama sheriklikni kengaytirish yoʻllarini muhokama qildi. Ishtirokchilar, shuningdek, Pokistonning mintaqaviy sherikligi va mintaqadagi keng koʻlamli oʻzgarishlar yuzasidan fikr almashdilar.

Zaygʻam jamoatchilikni ikki tomonlama munosabatlar, madaniy aloqalar va hamkorlik imkoniyatlari haqida xabardor qilishda media tashkilotlari va jurnalistlarning roli muhimligini taʼkidladi. Uchrashuvda, shuningdek, OAV sohasidagi almashinuvlar ikki davlat oʻrtasidagi aloqalarni mustahkamlashga qanday yordam berishi mumkinligi muhokama qilindi. Tashqi ishlar vazirligiga tashrifdan soʻng Oʻzbekiston delegatsiyasi Pokiston milliy teleradiokompaniyasi (PTV) faoliyati bilan tanishdi.

U yerda ishtirokchilar bir nechta boʻlimlarda boʻlib, PTV koʻrsatuvlari va media mahsulotlarini ishlab chiqarish jarayonlari haqida maʼlumot oldilar. Dastur ularga teleradiokompaniyaning tashkiliy tuzilmasi va ishlab chiqarish ishlarini kuzatish imkoniyatini ham berdi. Delegatsiya, shuningdek, SAMAA News va Hum News xususiy telekanallariga tashrif buyurib, yangiliklar xonalari va efir uskunalari bilan tanishdi hamda kanallar faoliyatining turli jihatlarini oʻrgandi.

Safarning media qismi Oʻzbekiston va Pokiston OAV vakillari oʻrtasida professional tajriba, mahorat va kontent almashinuvini ragʻbatlantirishga qaratilgan. Ishtirokchilar, shuningdek, Pokistonda televideniye, raqamli platformalar va ijtimoiy tarmoqlarning rivojlanishini oʻrganmoqdalar.

Delegatsiya dasturidan Islomobod va Pokistonning boshqa hududlaridagi madaniy, tarixiy va turistik maskanlarga tashriflar ham oʻrin olgan. Pokiston yodgorligi va Faysal masjididan tashqari, yoʻnalish Murri, Taksila va Lahor shaharlarini oʻz ichiga oladi.

Taksila delegatsiyaga mintaqaning qadimiy tarixi bilan bogʻliq joylarni oʻrganish imkoniyatini bersa, dasturning Lahor qismi shaharning madaniy, meʼmoriy va tarixiy merosiga qaratiladi. Delegatsiya oʻz sayohatini Lahor va yoʻnalishdagi boshqa joylarga tashriflar bilan davom ettirishi kutilmoqda.

Tashrif Pokiston hukumati taklifiga binoan amalga oshirilmoqda va undan koʻzlangan maqsad Pokiston va Oʻzbekiston media tashkilotlari oʻrtasidagi aloqalarni kengaytirishdan iborat. Shuningdek, u Oʻzbekiston OAV vakillariga Pokistonning siyosiy, diplomatik, media, madaniy va turizm sohalari haqida maʼlumot berishni maqsad qilgan. Ishtirokchilar safardan olgan maʼlumot va taassurotlarini televideniye, raqamli OAV va ijtimoiy platformalar orqali Oʻzbekiston auditoriyasi bilan baham koʻrishlari kutilmoqda.

Покистон томонидан PEL, Waves Singer, Sadaqat, Fauji, Platinum, Fast Cables, National Fruit, Amson Group, Shaigan, Hans International, Secure Logistics Group, NLC, Fairmont, Go Dairy, Engro, Herbion, AGP, Arco, Habib Rafiq, Pakistan Steel Mills, Siddiq Sons, Uniworth, Diners, Fatima Group, Fateh Group, Hub Leather, Siddiq Leather, Royal Leather ва Ahsan Dyeing каби қатор йирик компаниялар вакиллари иштирок этди.

Forumda soʻzga chiqqan Mirziyoyev oliy darajadagi muzokaralar Oʻzbekiston va Pokiston oʻrtasidagi munosabatlarda yangi bosqichni boshlab berganini, bunda savdo-iqtisodiy va investitsiyaviy hamkorlikni kengaytirishga alohida eʼtibor qaratilganini taʼkidladi.

Ikki davlat, shuningdek, iqtisodiy hamkorlikning yangi asoslarini belgilovchi va ikki tomonlama tovar ayirboshlash hajmini 2 milliard dollarga yetkazish maqsadini qoʻygan protokolni imzoladilar. Tegishli mutasaddilarga kompleks «yoʻl xaritasi»ni tayyorlash va uni amalga oshirish jarayonida yuzaga kelishi mumkin boʻlgan masalalarni tezkorlik bilan hal etish mexanizmini joriy etish topshirildi.

Oʻzbekiston 2025 yilda Markaziy Osiyo davlatlari orasida Pokistonning ikkinchi yirik savdo sherigiga aylandi va ikki tomonlama tovar ayirboshlash hajmi 445,9 million dollarni tashkil etdi. Pokistonning Oʻzbekistonga eksporti 120,9 million dollarni tashkil etdi, bunda oziq-ovqat mahsulotlari (56,2 million dollar) va kimyoviy moddalar (45,3 million dollar) yetakchilik qildi, ulardan keyin 6,4 million dollarlik sanoat tovarlari va 5,2 million dollarlik tayyor mahsulotlar joy oldi. Shu bilan birga, Pokiston Oʻzbekistondan 325 million dollarlik tovar va xizmatlar import qildi, jumladan, 260,2 million dollarlik ozi-ovqat mahsulotlari, 30,1 million dollarlik xizmatlar, 21,2 million dollarlik sanoat tovarlari va 13,2 million dollarlik nooziq-ovqat xomashyosi.