Oʻzbekistonga elektromobillar importi 1,7 barobarga oshdi
Bojxona qoʻmitasi 2026 yilning yanvar–avgust oylarida Oʻzbekistonga yengil avtomobillar importi, asosan, elektromobillar hisobiga 1,103 mlrd dollargacha oshganini maʼlum qildi.
Oʻzbekistonga elektromobillar importi 1,7 baravarga oshdi
2026 yilning yanvar–avgust oylarida Oʻzbekistonga yengil avtomobillar importi 1,103 mlrd dollarga yetdi, bu oʻtgan yilning shu davridagi koʻrsatkichga (639,2 mln dollar) nisbatan 72,6% ga koʻpdir. Bunday maʼlumotlarni Oʻzbekiston Bojxona qoʻmitasi taqdim etdi.
Import tarkibida eng katta ulushni elektromobillar egalladi: ularning olib kirilishi pul ifodasida 71,5% ga — 358,3 mln dollardan 614,4 mln dollargacha, miqdor jihatidan esa 89,6% ga — 28 920 tadan 54 826 tagacha oshdi.
Benzinli dvigatelli avtomobillar importi qiymat ifodasida 6,1% ga — 232,7 mln dollardan 246,9 mln dollargacha oshdi, bunda ularning soni 17,1% ga — 11 163 tadan 13 070 tagacha koʻpaydi.
Nisbiy ifodada eng sezilarli oʻsishni benzin va elektr tokida ishlaydigan gibrid avtomobillar importi koʻrsatdi: ularning qiymati 5,2 baravarga — 46,1 mln dollardan 240,0 mln dollargacha, soni esa 5,5 baravarga — 2 023 tadan 11 130 tagacha oshdi.
Dizelli dvigatelli avtomobillar importi esa, aksincha, kamaydi: qiymat ifodasida — 29,1% ga, 2,1 mln dollardan 1,5 mln dollargacha, soni boʻyicha esa — 78,0% ga, 91 tadan 20 tagacha qisqardi.