Oʻzbekistondagi xorijiy kapital ishtirokidagi korxonalar soni boʻyicha Xitoy yetakchilik qilmoqda

Oʻzbekistonda xorijiy investitsiya ishtirokidagi korxonalar soni boʻyicha Xitoy yetakchilik qilmoqda

Soʻnggi besh yil ichida faoliyat koʻrsatayotgan xorijiy investitsiya ishtirokidagi korxonalarning umumiy soni 1,7 baravarga oshdi, ularning umumiy sondagi ulushi esa 56,2 foizdan 77,9 foizgacha koʻpaydi.

Oʻzbekistonda xorijiy investitsiya ishtirokidagi eng koʻp korxonalar Xitoy investorlari tomonidan roʻyxatga olingan — 6 436 ta korxona. Keyingi oʻrinlarni Rossiya — 3 589 ta, Turkiya — 2 365 ta, Qozogʻiston — 1 345 ta, Koreya Respublikasi — 739 ta, Afgʻoniston — 725 ta, Ozarbayjon — 503 ta, Tojikiston — 483 ta, Birlashgan Arab Amirliklari — 464 ta va Hindiston — 446 ta korxona bilan egallab turibdi.

Faoliyat koʻrsatayotgan xorijiy investitsiya ishtirokidagi korxona va tashkilotlar soni 1 avgust holatiga koʻra 20 973 tani tashkil etgan boʻlsa, 1 sentyabr holatiga koʻra ularning soni 21 490 taga yetdi, bu esa 517 ta subʼyektga koʻpayganini anglatadi.