Oʻzbekistonda yil boshidan buyon beshta yangi gaz koni ochildi
Prezident Shavkat Mirziyoyev neft-gaz tarmogʻini rivojlantirish rejalari bilan tanishdi. Taqdimotda geologiya-qidiruv va gaz qazib olish natijalari haqida maʼlumot berildi. Yil boshidan buyon hududlarda 80 ta quduq, jumladan, chuqur quduqlar burgʻilandi. Ularning ayrimlari 6 ming metr va undan ortiq chuqurlikka yetadi. Yil yakuniga qadar yana 40 ta quduqni burgʻilash rejalashtirilgan. Bu yil uch oʻlchamli seysmik qidiruv hajmini […] oshirish moʻljallanmoqda.
Oʻzbekistonda yil boshidan buyon beshta yangi gaz koni aniqlandi
Prezident Shavkat Mirziyoyev neft-gaz tarmogʻini rivojlantirish rejalari bilan tanishdi. Taqdimotda geologiya-qidiruv va gaz qazib olish yakunlari taqdim etildi.
Yil boshidan buyon hududlarda 80 ta quduq, jumladan, chuqur quduqlar burgʻilandi. Ularning ayrimlari 6 ming metr va undan ortiq chuqurlikka tushadi. Yil yakuniga qadar yana 40 ta quduqni burgʻilash rejalashtirilgan.
Joriy yilda uch oʻlchamli seysmik qidiruv ishlari hajmini besh barobarga oshirish koʻzda tutilgan. Asosiy eʼtibor Ustyurtning chuqur qatlamlariga va yangi konlarni oʻzlashtirishga qaratiladi.
Gaz transport tizimini rivojlantirish masalasi alohida koʻrib chiqildi. Yangi gaz quvurlari qurish va kompressor stantsiyalarini modernizatsiya qilish yiliga 125 million kub metrgacha gazni tejash imkonini beradi.
Korxona quvvatini yil yakuniga qadar 40 foizdan 65 foizga yetkazish rejalashtirilmoqda.
Prezident geologiya-qidiruv va burgʻilash ishlari samaradorligini oshirish boʻyicha topshiriq berdi. Bundan tashqari, davlat rahbari yirik loyihalarni moliyalashtirishni taʼminlash va tarmoq korxonalari samaradorligini oshirishni topshirdi.
Bundan avvalroq Ustyurt platosining Moʻynoq tumanida yangi Qoratov gaz-kondensat koni ochilgan edi. Mutaxassislar dastlabki sanoat miqyosidagi gaz va kondensat oqimini olishdi. Yil yakuniga qadar u yerda ikkinchi qidiruv qudugʻini burgʻilashni yakunlash va yana ikkita quduqda ishlarni boshlash rejalashtirilgan.