Oʻzbekistonda tugʻilishlar soni rekorddan keyin ikki yil ketma-ket kamaydi
Oʻzbekistonda 2023-yilda 962 mingta tugʻilish qayd etilib, 1991-yildan buyon eng yuqori koʻrsatkichga erishilgan. Shundan keyin tugʻilishlar soni ikki yil ketma-ket kamayib, 2025-yilda 879,6 mingtani tashkil etgan. Bu 2023-yilga nisbatan 82,4 mingta yoki qariyb 8,6 foiz kam.
Oʻzbekistonda tugʻilishlar soni rekord darajadan soʻng ikki yil davomida ketma-ket pasaydi. Milliy statistika qoʻmitasi maʼlumotlariga koʻra, 2024-yilda mamlakatda 926,4 mingta tugʻilish qayd etilgan. 2025-yilda bu raqam yana 46,8 mingtaga, yaʼni qariyb 5,1 foizga kamaygan.
Uzoq muddatli statistik maʼlumotlar tugʻilishlar soni avval pasayib, keyin yana oshganini ko‘rsatadi. Xususan, 1991-yilda 723,4 ming nafar bola tugʻilgan bo‘lsa, 2000-yilda bu ko‘rsatkich 527,6 ming nafarni tashkil etgan. 2015-yilga kelib esa u 734,1 ming nafarga yetgan.