Oʻzbekistonda tennis bilan shugʻullanuvchilar sonini 3 ming kishiga yetkazmoqchi boʻlishyapti
Oʻzbekistonda tennis bilan shugʻullanuvchilar sonini 3 ming kishiga yetkazmoqchi boʻlishyapti
2030 yilga borib Oʻzbekistonda tennis bilan muntazam shugʻullanuvchilar sonini 3 ming kishiga yetkazish va murabbiylar sonini 200 nafarga yetkazish rejalashtirilmoqda. Bundan tashqari, mamlakat ushbu sport turini rivojlantirish boʻyicha Osiyoning kuchli 5 ta davlati qatoriga kirishni maqsad qilgan.
Ushbu maqsadlarga erishish uchun 2026 yil 1 oktyabrdan boshlab mamlakatda doimiy ravishda bir qator xalqaro va respublika musobaqalari oʻtkazila boshlanadi.
Ular orasida ATP, WTA va ITF shafeligidagi turnirlar, shuningdek, Oʻzbekiston kubogi hamda yoshlar, oʻsmirlar va kattalar oʻrtasidagi respublika chempionati bor.
Bundan tashqari, kattalar oʻrtasida Uzbekistan Open xalqaro turniri, erkaklar oʻrtasida esa ATP Challenger seriyasidagi musobaqalar oʻtkaziladi.
Tennisni istiqbolli yoʻnalishlar qatoriga kiritish alohida vazifa sifatida belgilangan.