Oʻzbekistonda sel va suv tashqinlaridan himoya qilishga 625 milliard soʻmdan ortiq mablagʻ sarflandi
Oʻzbekistonda sel va suv tashqinlaridan himoya qilish chora-tadbirlariga 625 milliard soʻmdan ortiq mablagʻ yoʻnaltirildi
Oʻzbekistonda soʻnggi besh yilda 373 ta suv obʼyektini sel va suv tashqinlaridan himoya qilish boʻyicha muhandislik ishlari amalga oshirildi. Ushbu maqsadlar uchun 625 milliard soʻmdan ortiq mablagʻ ajratildi. Favqulodda vaziyatlar vazirligi maʼlumotlariga koʻra, amalga oshirilgan chora-tadbirlar 130 mingdan ortiq aholining himoyalanganlik darajasini oshirdi.
FVVning xabar berishicha, ishlar daryolar, kanallar, soylar va boshqa suv obʼyektlarida olib borildi. Ular doirasida qirgʻoqlar mustahkamlandi va himoya inshootlari barpo etildi.
Besh yil davomida mutaxassislar tomonidan 19,8 million kub metr hajmdagi tuproq ishlari bajarildi, 148 million kub metr tosh va 247 ming kub metr beton ishlatildi. Bundan tashqari, toʻrt ming tonnadan ortiq metall konstruktsiyalar jalb etildi.
FVV maʼlumotlariga koʻra, himoya ishlari, shuningdek, 20 ming gektardan ortiq qishloq xoʻjaligi yerlari, 48 ta maktab, 19 ta maktabgacha taʼlim muassasasi, beshta oromgoh va 1,6 mingta boshqa ijtimoiy-iqtisodiy obʼyektlarning xavfsizlik darajasini oshirdi. Himoyalangan obʼyektlar roʻyxatiga 17 ta masjid va qabriston ham kirdi.
Seysmik faollikni monitoring qilish uchun mamlakat oʻz stantsiyalari maʼlumotlarini Qirgʻiziston, Tojikiston va Qozogʻiston maʼlumotlari bilan birlashtirdi.