Oʻzbekistonda pensiya xizmatlarini toʻliq raqamli formatga oʻtkazish rejalashtirilmoqda

Oʻzbekistonda pensiya xizmatlarini toʻliq raqamli formatga oʻtkazish rejalashtirilmoqda.

2026 yil 1 noyabrdan boshlab, ish hajmi qisqarishi yoki korxona tugatilishi sababli ishsiz qolgan shaxslarga yoshga doir pensiya belgilangan muddatdan ikki yil oldin, hech qanday murojaatsiz, avtomatik tarzda tayinlanadi.

2027 yil 1 yanvardan boshlab boquvchisini yoʻqotganlik pensiyasi ham xuddi shunday proaktiv tarzda tayinlana boshlaydi.

Bunda proaktiv shaklda tayinlangan pensiyani rad etish imkoniyati mavjud boʻladi.

2026 yil 1 noyabrdan boshlab davlat xizmatlari markazlari yoki Yagona interaktiv davlat xizmatlari portali orqali imtiyozli shartlarda — zararli va ogʻir sharoitlarda ishlaganlar, shuningdek, umumiy belgilangan yosh qisqartirilgan holda pensiya olish huquqiga ega boʻlgan boshqa shaxslar uchun pensiya rasmiylashtirish mumkin boʻladi.

2026 yil 1 dekabrdan boshlab quyidagilar onlayn tarzda yoʻlga qoʻyiladi:

·       pensiyaning boshqa turiga oʻtish uchun murojaat qilish (agar yangi pensiya amaldagisidan kam boʻlsa, avvalgi pensiya turi oʻzgarishsiz qoladi);

·       arxiv yoki tashkilotlar tomonidan taqdim etilgan ish staji va ish haqi toʻgʻrisidagi qoʻshimcha elektron maʼlumotlar asosida pensiya miqdorini qayta hisoblab chiqish uchun murojaat qilish.

2027 yil 1 yanvardan boshlab quyidagilarni onlayn tarzda amalga oshirish mumkin boʻladi:

·       pensiya toʻlovini naqd pul shakliga oʻtkazish va toʻxtatib qoʻyilgan toʻlovni tiklash;

·       sud qarorlari, ajrimlari, qaror va hukmlari, ijro hujjati va boshqa qarorlar asosida pensiya summasidan ushlanmalar toʻgʻrisida, shuningdek, hisoblangan pensiya va ixtiyoriy ravishda ijtimoiy soliq toʻlangani haqida maʼlumot olish;

·       yashash joyi oʻzgarishi munosabati bilan pensiya yigʻmajildini hisobga qoʻyish.

2027 yil 1 yanvardan boshlab «Mening pensiyam» onlayn xizmati doirasida quyidagilarni amalga oshirish mumkin boʻladi:

·       pensiyani hisoblashda inobatga olinadigan mehnat faoliyati davrlari, oliy taʼlim muassasalarida kunduzgi taʼlim olganlik (diplom) va harbiy xizmat toʻgʻrisidagi maʼlumotlarni olish;