Oʻzbekistonda paxta hosildorligi 56,2 ts/ga ga yetdi
Joriy maʼlumotlarga koʻra, Uzbekistonda paxta hosildorligi 2026 yilda 56,2 ts/ga ni tashkil etdi, bu 1990 yildan beri eng yuqori koʻrsatkichdir, va hosil yigʻimi qariyb 5 mln tonnani tashkil qildi.
Oʻzbekistonda paxta hosildorligi 56,2 ts/ga ga yetdi
Joriy maʼlumotlarga koʻra, 2026 yilda Oʻzbekistonda paxta hosildorligi gektaridan 56,2 tsentnerni tashkil etdi. Bu 1990 yildan beri butun davr ichidagi eng yuqori koʻrsatkichdir. 890 ming gektar ekin maydonidan 5 mln 2 ming tonna paxta yigʻib olindi.
2025 yilda paxta 876 ming gektar maydonda yetishtirilgan, yalpi hosil 3 mln 986 ming tonnani, hosildorlik esa gektaridan 45,5 tsentnerni tashkil etgan edi. Bir yil ichida ekin maydonlari 14 ming gektarga kengaydi, hosil yigʻimi taxminan 1 mln 16 ming tonnaga oshdi, hosildorlik esa 10,7 tsentnerga koʻpaydi. 2024 yilda 1 mln 4 ming gektar maydondan gektaridan 31,7 tsentner hosildorlik bilan 3 mln 181 ming tonna paxta olingan edi.
Joriy maʼlumotlarga koʻra, 2026 yildagi ishlab chiqarish hajmi koʻrib chiqilayotgan butun davr ichida kattaligi boʻyicha ikkinchi boʻldi. Bundan yuqori koʻrsatkich faqat 1990 yilda qayd etilgan — 5 mln 58 ming tonna. Oʻshanda paxta 1 mln 830 ming gektar maydonda yetishtirilgan, hosildorlik esa 27,6 tsentnerni tashkil etgan. Shunday qilib, ekin maydonlari ikki baravardan koʻproqqa qisqargan va hosildorlik taxminan ikki baravarga oshgan boʻlsa-da, hozirgi hosil yigʻimi 1990 yilgi darajaga deyarli tenglashdi.
Umuman olganda, gʻoʻza maydonlari butun davr mobaynida qisqarib bordi: 1990 yildagi 1 mln 830 ming gektardan 2000 yilda 1 mln 377 ming, 2010 yilda 1 mln 318 ming va 2020 yilda 1 mln 34 ming gektargacha. Eng kichik maydon 2025 yilda qayd etilgan — 876 ming gektar.
1990 yildan 2018 yilgacha hosildorlik gektaridan 20,6 dan 27,6 tsentnergacha boʻlgan oraliqda boʻlgan. Eng past koʻrsatkich 2003 yilga toʻgʻri kelgan. 2019 yildan boshlab koʻrsatkich oʻsa boshladi: 2019 yilda 27,4 tsentner, 2020 yilda 29,6, 2021 yilda 32,4, 2022 yilda 33,8 va 2023 yilda 36,6 tsentner. 2025 yilgacha aynan oxirgi koʻrsatkich statistikadagi eng yuqorisi boʻlib qolayotgan edi.
Butun davr ichidagi eng past yalpi hosil 2018 yilda qayd etilgan: 1 mln 71 ming gektar ekin maydoni va gektaridan 21,6 tsentner hosildorlikda 2 mln 310 ming tonna.