Oʻzbekistonda ilk bor kamyob koʻrshapalak topildi
Oʻzbekistonda ilk bor kamyob koʻshapasha turi aniqlandi
Oʻzbekiston Fanlar akademiyasi Zoologiya instituti olimlari xorijlik hamkasblari bilan birgalikda mamlakat hududida ilk bor turkman quloqdor koʻshapashasini (Plecotus turkmenicus) — kamyob va kam oʻrganilgan koʻshapasha turini qayd etdilar. U «Janubiy Ustyurt» milliy tabiat bogʻida topildi.
Ushbu tur juda kamyob hisoblanadi. Shu kungacha u haqdagi maʼlumotlar asosan 1970 yilgacha toʻplangan maʼlumotlarga va muzey namunalariga tayangan edi. Soʻnggi 55 yil davomida turkman quloqdor koʻshapashasi tabiiy yashash muhitida deyarli kuzatilmagan.
Bu topilma «Tabiatni muhofaza qilishda yagona salomatlik» (One Health in Nature Conservation) xalqaro loyihasi doirasida tashkil etilgan ekspeditsiya paytida amalga oshirildi. Loyiha Tabiatni muhofaza qilish xalqaro ittifoqi (IUCN) ishtirokida amalga oshirilmoqda va Germaniya Atrof-muhit vazirligining Xalqaro iqlim tashabbusi (IKI) tomonidan moliyalashtirilmoqda.
Avvalroq Toshkentdagi bogʻda oʻrdaklarga palaxmondan oʻq uzgan erkak jarimaga tortilgan edi.