Oʻzbekistonda har ming kishiga 129 ta avtomobil toʻgʻri kelyapti. Bu koʻpmi yoki kam?
Oʻzbekistonda aholiga tegishli avtotransport vositalari soni 5 mln donaga yaqinlashdi. Hududlar kesimida eng yuqori koʻrsatkich Toshkent shahrida - har 1000 kishiga qariyb 199 ta avtomobil. Keyingi eng yaxshi koʻrsatkichlar Toshkent (149 dona) va Buxoro(146 dona) viloyatlarida qayd etilgan. Har 1000 kishiga eng kam avtotransport toʻgʻri keladigan hudud Jizzax viloyati - 92 dona.
Oʻzbekistonda har ming aholiga 129 ta avtomobil toʻgʻri kelmoqda. Bu koʻrsatkich yuqorimi yoki pastmi?
Milliy statistika qoʻmitasining maʼlumotlariga koʻra, 2026-yil 1-iyul holatiga koʻra, Oʻzbekistonda jismoniy shaxslarga tegishli avtotransport vositalarining umumiy soni 4 million 982 ming 516 donaga yetgan.
Avtotransport vositalari turlari boʻyicha taqsimot quyidagicha:
* Yengil avtomobillar: 4 million 613 ming 796 dona
* Yuk avtomobillari: 273 ming 796 dona
* Avtobuslar: 10 ming 796 dona
* Maxsus transport vositalari: 27 ming 796 dona
* Mototransport vositalari: 56 ming 796 dona
Hududlar kesimida eng koʻp avtotransport vositalari Toshkent shahrida (637 ming 706 dona), Fargʻona viloyatida (573 ming 472 dona) va Samarqand viloyatida (563 ming 72 dona) roʻyxatga olingan.
**Har 1000 kishiga 129 ta avtomobil**
Statistika agentligining 2026-yil 1-iyul holatiga (roʻyxatga olish natijalarisiz) bergan maʼlumotlariga koʻra, Oʻzbekiston aholisi 38 million 519,5 ming kishini tashkil etgan. Kun.uz hisob-kitoblariga koʻra, ushbu raqamlar asosida har 1000 nafar aholiga oʻrtacha 129,4 ta avtotransport vositasi (faqat yengil avtomobillar boʻyicha 119,9 ta) toʻgʻri keladi.
Hududlar kesimida eng yuqori koʻrsatkich Toshkent shahrida qayd etilgan boʻlib, har 1000 kishiga qariyb 199 ta avtotransport vositasi toʻgʻri keladi. Keyingi oʻrinlarni Toshkent viloyati (149,3) va Buxoro viloyati (146,1) egallagan. Har 1000 kishiga eng kam avtomobil toʻgʻri keladigan hudud Jizzax viloyati (92,1) hisoblanadi. Shuningdek, Namangan (104,8) va Qoraqalpogʻistonda (107,1) ham mazkur koʻrsatkich respublikadagi oʻrtacha darajadan sezilarli darajada past shakllangan.
Shuni taʼkidlash joizki, Oʻzbekiston bozorida avtomobil taklifi hajmi yildan yilga oshib bormoqda. Masalan, 2017-yilda mamlakatda 135 mingta avtomobil ishlab chiqarilgan boʻlsa, bu koʻrsatkich 2025-yilda qariyb 458 mingtani tashkil etdi va 8 yil ichida 3,4 barobarlik oʻsish kuzatildi. Faqatgina 2021-yilni hisobga olmaganda, ishlab chiqarish har yili sezilarli darajada oshib kelmoqda.