Oʻzbekistonda firibgarlar alfavitning yangi harflari tushirilgan klaviatura niqobi ostida virus tarqatmoqda

Oʻzbekistonda firibgarlar yangi alifbo harflari tushirilgan klaviatura niqobi ostida virus tarqatmoqda

Oʻzbek alifbosi yangilanishi fonida firibgarlar Telegram’da yangi harflar mavjud boʻlgan klaviaturaning oʻrnatish fayllarini joʻnatmoqda. Vayʼda qilingan ilova oʻrniga ular parollarni oʻgʻirlashi, yozishmalarni oʻqishi va foydalanuvchilarning moliyaviy maʼlumotlariga kirish huquqini olishi mumkin boʻlgan zararli dasturni yubormoqda.

Gʻarazgoʻylar fayllarni shaxsiy xabarlarga yuborib, ularni smartfonga oʻrnatishni taklif qilmoqda. Foydalanuvchilarga nomaʼlum ilovalarni yuklab olmaslik va shubhali havolalarga oʻtmaslik tavsiya etiladi.

21 oktyabr kuni prezident Shavkat Mirziyoyev lotin yozuviga asoslangan oʻzbek alifbosiga oʻzgartirishlar kiritish toʻgʻrisidagi qonunni imzoladi. Hujjat imzolangani haqida Saida Mirziyoyeva maʼlum qildi. O‘ va G‘ belgilari oʻrniga Ö ö va Ğ ğ harflari joriy etiladi, Sh va Ch birikmalari esa Ş ş va Ç ç bilan almashtiriladi. Yangilangan yozuvga oʻtish bosqichma-bosqich amalga oshiriladi.

Oldinroq Oʻzbekistonning 12 ta banki mijozlari VPN-xizmatlari, oʻyin modifikatsiyalari va boshqa ilovalar niqobi ostida tarqatilayotgan Android uchun RedWing Stealer zararli dasturining nishoniga aylangan edi.