Oʻzbekistonda energiya tejovchi issiqxonalar hisobiga limon yetishtirish kengaytiriladi
Oʻzbekistonda energiya tejovchi issiqxonalar hisobiga limon yetishtirishni koʻpaytirish nazarda tutilmoqda
Oʻzbekistonda limon yetishtirish uchun energiya tejovchi issiqxonalar barpo etish va ularni biznesga tayyor holda topshirish rejalashtirilmoqda. Loyihani rivojlantirish Baliqchi tumanida boshlanadi, kelasi yili esa bunday majmualar boshqa hududlarda ham paydo boʻladi.
Kuni kecha prezident Shavkat Mirziyoyev limonchilikni rivojlantirish loyihasi bilan tanishdi.
Xususan, Baliqchi tumanida toʻqqizta mahalla yonida umumiy maydoni 100 gektar boʻlgan energiya tejovchi issiqxonalar qurish rejalashtirilmoqda.
Issiqxonalar tadbirkorlarga foydalanishga toʻliq tayyor holda topshiriladi. Ishlab chiqarish yagona zanjirga solinadi: yetishtirishdan tortib saralash, qayta ishlash, qadoqlash, saqlash va sotishgacha.
Kam taʼminlangan va ishsizlarni qoʻllab-quvvatlashga alohida eʼtibor qaratilgan — 500 ta issiqxonada kamida ming nafar aholi ish bilan taʼminlanadi.
Bunda daromad olishni boshlash uchun limonning birinchi hosilini kutish talab etilmaydi. Daraxtlar hosil bera boshlaguniga qadar oilalar qator oralarida boshqa qishloq xoʻjaligi ekinlarini yetishtirish orqali daromad topishlari mumkin boʻladi.
Baliqchi tumani tajribasini butun mamlakat boʻylab ommalashtirish rejalashtirilmoqda. Kelasi yilning oʻzidayoq hududlarda umumiy maydoni 200 gektar boʻlgan issiqxona majmualari quriladi, bu ikki mingga yaqin oilaning daromadini oshirish imkonini beradi.
Prezident tashabbusni moliyaviy qoʻllab-quvvatlashni va aholini limonchilikka oʻrgatish xarajatlarini qoplab berishni topshirdi.
Shuningdek, Oʻzbekiston Pokiston bozoriga limon, shuningdek olma, anjir va achchiq gʻaloq eksport qilishga ruxsat olgani xabar qilinmoqda.