Oʻzbekistonda davlat aktivlari tezlashtirilgan sxema boʻyicha sotila boshlanadi
Oʻzbekistonda davlat aktivlari tezlashtirilgan sxema boʻyicha sotila boshlanadi
Oʻzbekistonda uzoq vaqt davomida sotilmay kelayotgan davlat aktivlarining bir qismi boshlangʻich narxi 1 million soʻm boʻlgan elektron auktsionlarga chiqariladi. Qolgan sotilmagan obʼyektlar uchun yangi gibrid savdo formati joriy etiladi.
Boshlangʻich qiymati 1 million soʻm boʻlgan lotlar roʻyxati Oʻzbekiston prezidentining yangi farmoniga alohida ilova bilan tasdiqlandi. Davlat organlariga OAV, ijtimoiy tarmoqlar va hokim yordamchilari orqali aholini bunday obʼyektlar toʻgʻrisida qoʻshimcha ravishda xabardor qilish topshirildi.
Agar davlat aktivi uch oy davomida sotilmasa, uni gibrid ingliz-golland modeli boʻyicha sotishga ruxsat beriladi. Takroriy savdolarda narx avvaliga 2 foizlik qadam bilan bosqichma-bosqich pasaytiriladi, xarid qilish toʻgʻrisida taklif tushganidan keyin esa ishtirokchi tomonidan taklif qilingan summadan boshlab yana koʻtarila boshlaydi.
Savdolarning muddatlari ham oʻzgaradi. Oddiy elektron auktsionlar va tanlovlar toʻgʻrisidagi eʼlonlar 30 kun oʻrniga 15 kun oldin, takroriy savdolar haqida esa oʻn kun oʻrniga besh kun oldin eʼlon qilinadi. Agar takroriy savdolarda ishtirok etish uchun faqat bitta ishtirokchi ariza topshirsa, unga lotni eʼlon qilingan narxda sotib olish taklif qilinishi mumkin.
Shuningdek, Oʻzbekistonda yirik davlat oliy oʻquv yurtlari va respublika ixtisoslashtirilgan tibbiyot markazlarini bosqichma-bosqich xoʻjalik jamiyatlariga aylantirish rejalashtirilayotgani xabar qilingan.