Oʻzbekistonda bolalarga nisbatan zoʻravonlik uchun jazo kuchaytirildi
Oʻzbekiston Prezidenti Shavkat Mirziyoyev bolalarga qarshi jinoyatlar uchun javobgarlikni kuchaytirishni nazarda tutuvchi qonunni imzoladi. Hujjat birdaniga beshta kodeks va oltata qonunga oʻzgartirishlar kiritadi. Yangi qoidalarga koʻra, bolalarga nisbatan zoʻravonlik uchun javobgarlik barcha aybdorlarga, shu jumladan taʼlim muassasalari xodimlari va oila aʼzolariga ham tatbiq etiladi. Bolaning oʻlimiga olib kelgan jinoyatlar uchun yengillashtiruvchi holatlar qoʻllanilmaydi. […]
Oʻzbekistonda bolalarga nisbatan zoʻravonlik uchun jazo kuchaytirildi
Oʻzbekiston Prezidenti Shavkat Mirziyoyev bolalarga qarshi jinoyatlar uchun javobgarlikni kuchaytiruvchi qonunni imzoladi. Hujjat bir yoʻla beshta kodeks va oltata qonunga oʻzgartirishlar kiritadi.
Yangi normalarga koʻra, bolalarga nisbatan zoʻravonlik uchun javobgarlik barcha aybdorlarga, jumladan taʼlim muassasalari xodimlari va oila aʼzolariga nisbatan qoʻllaniladi. Bolaning oʻlimiga sabab boʻlgan jinoyatlar yuz bergan hollarda yengillashtiruvchi holatlar qoʻllanilmaydi.
Qonunda voyaga yetmaganlarning jinsiy daxlsizligiga qarshi jinoyatlarga alohida eʼtibor qaratilgan. 14 yoshga toʻlmagan bolalarga nisbatan jinsiy zoʻravonlik uchun 25 yilgacha ozodlikdan mahrum qilish yoki umrbod ozodlikdan mahrum qilish jazosi nazarda tutilgan.
Shuningdek, bunday jinoyatlar boʻyicha javobgarlikka tortish muddati bekor qilinadi, bu esa jinoyat sodir etilgan paytdan boshlab qancha vaqt oʻtganidan qatʼi nazar, aybdorlarni javobgarlikka tortish imkonini beradi.
Yangi chora-tadbirlar bolalarning huquqiy himoyasini kuchaytirish hamda ularning hayoti, sogʻligʻi va qadr-qimmatiga tajovuz qilganlik uchun javobgarlikni kuchaytirishga qaratilgan.