Oʻzbekistonda Airbnb platformasi faoliyati rivojlantiriladi
Oʻzbekistondagi joylashtirish obyektlari sonini platformada koʻpaytirish, mahalliy uy egalari va tadbirkorlarni jalb qilish, xizmat koʻrsatish hamda xavfsizlik standartlarini taʼminlash bogʻliq amaliy hamkorlikni davom ettirish boʻyicha kelishuvga erishildi.
Oʻzbekistonda Airbnb platformasi faoliyati rivojlantiriladi
Oʻzbekiston elchixonasi tashabbusi hamda Turizm qoʻmitasi huzuridagi Milliy PR-markazi ko‘magida Airbnb onlayn-platformasi vakillari bilan onlayn uchrashuv tashkil etildi.
Muzokaralarda Airbnb federal masalalar boʻyicha rahbari Akila Pauell va xalqaro munosabatlar siyosati boʻyicha masʼul Nayana Renu Kumar qatnashdi.
Uchrashuvda 2025-yilda Oʻzbekistonga qariyb 12 million xorijiy sayyoh kelgani, 2026-yilning yanvar–iyul oylarida esa bu ko‘rsatkich 7,8 millionni tashkil etgani qayd etildi. Shuningdek, joriy yilning birinchi yarmida “Oʻzbekiston boʻylab sayohat qil!” dasturi doirasida 13,4 milliondan ortiq ichki safar amalga oshirilgani taʼkidlandi.
Tomonlar ushbu raqamlardan kelib chiqib, vaqtinchalik turar joylarni izlash va bron qilish bo‘yicha dunyoda yetakchi platforma hisoblangan Airbnb faoliyatini Oʻzbekistonda rivojlantirish masalalarini muhokama qildilar.
Muzokaralar yakunida Oʻzbekistondagi joylashtirish obyektlari sonini platformada ko‘paytirish, mahalliy uy egalari va tadbirkorlarni jalb qilish, xizmat koʻrsatish hamda xavfsizlik standartlarini taʼminlashga doir amaliy hamkorlikni davom ettirish bo‘yicha kelishuvga erishildi.