Oʻzbekistonda aholi jon boshiga yalpi ichki mahsulot (YAIM) 27,95 mln soʻmga yetdi
2026 yilning yanvar–iyun oylarida Oʻzbekistonda aholi joni boshiga yalpi ichki mahsulot (YAIM) real ifodada 6,6% ga oshib, 27,95 mln soʻmni tashkil etdi.
Oʻzbekistonda aholi jon boshiga yalpi ichki mahsulot (YAIM) 27,95 mln soʻmga yetdi
2026 yilning yanvar–iyun oylarida Oʻzbekistonda aholi jon boshiga yalpi ichki mahsulot (YAIM) 27,95 mln soʻmni tashkil etdi.
Real ifodada ushbu koʻrsatkich 2025 yilning shu davriga nisbatan 6,6 foizga oʻsdi, deb xabar beradi Milliy statistika qoʻmitasi.
Idoraning dastlabki maʼlumotlariga koʻra, bir yil avval yanvar–iyun oylarida aholi jon boshiga YAIM hajmi 23,89 mln soʻmni tashkil etgan edi. Shu tariqa, bir yil ichida koʻrsatkichning nominal qiymati 4 mln soʻmdan koʻproqqa oshdi.
Uzoq muddatli dinamika ham aholi jon boshiga YAIMning oʻsib borayotganidan dalolat beradi. 2022 yilning yanvar–iyun oylarida ushbu koʻrsatkich 12,46 mln soʻm darajasida boʻlgan boʻlsa, 2023 yilda — 14,58 mln soʻmni, 2024 yilda esa — 18,13 mln soʻmni tashkil etgan.
2025 yilning yanvar–iyun oylarida aholi jon boshiga YAIM hajmi 23,89 mln soʻmga yetgan, 2026 yilning shu davrida esa 27,95 mln soʻmgacha koʻtarilgan.
Shu tariqa, besh yil ichida koʻrsatkich ikki barobardan koʻproqqa oʻsdi — 2022 yilning yanvar–iyun oylaridagi 12,46 mln soʻmdan 2026 yilning yanvar–iyun oylaridagi 27,95 mln soʻmgacha.