Oʻzbekistonda aholi jon boshiga YAIM 6,4% ga oʻsdi
2026 yilning yanvar–sentyabr oylarida Oʻzbekistonda aholi jon boshiga YAIM joriy narxlarda 44,7 mln sumni tashkil etdi. Real oʻsish 6,4% ga yetdi.
Oʻzbekistonda aholi jon boshiga YAIM 6,4 foizga oshdi
2026 yilning yanvar–sentyabr yakunlariga koʻra, Oʻzbekistonda aholi jon boshiga YAIM 44,7 mln sumga yetdi.
Real koʻrinishda ushbu koʻrsatkich oʻtgan yilning shu davriga nisbatan 6,4 foizga oʻsdi.
Milliy statistika qoʻmitasining dastlabki maʼlumotlariga koʻra, aholi jon boshiga YAIM hajmi 44 692,3 ming sumni tashkil etdi.
Aholi jon boshiga yalpi hududiy mahsulotning eng yuqori koʻrsatkichi Navoiy viloyatida qayd etildi — 140 042,6 ming sum. Ikkinchi oʻrindan 114 477,7 ming sum koʻrsatkich bilan Toshkent shahri joy oldi.
Toshkent viloyatida ushbu koʻrsatkich 47 612,7 ming sumni, Buxoroda — 36 707,9 ming sumni, Sirdaryoda — 34 166,9 ming sumni, Jizzaxda esa — 33 869,6 ming sumni tashkil etdi.
Boshqa hududlarda qiymatlar quyidagicha taqsimlandi: Samarqand viloyati — 26 816,2 ming sum, Xorazm — 26 760,4 ming sum, Andijon — 26 293,4 ming sum, Qashqadaryo — 24 874 ming sum, Fargʻona — 24 472,3 ming sum, Namangan — 24 349,9 ming sum.
Qoraqalpogʻiston Respublikasida koʻrsatkich 23 547,4 ming sumni, Surxondaryo viloyatida esa — 21 609,1 ming sumni tashkil etdi.
Shu tariqa, eng yuqori va eng past hududiy koʻrsatkichlar oʻrtasidagi farq olti barobardan oshdi.