Oʻzbekiston xorijiy ishchi kuchi ustidan nazoratni kuchaytirmoqchi
Majlisda “O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirish va qo‘shimchalar kiritish haqida”gi qonun loyihasi ikkinchi o‘qishda ko‘rib chiqildi.
Oʻzbekiston chet ellik ishchilar faoliyatini nazorat qilishni kuchaytirmoqda
Toshkent, Oʻzbekiston (UzDaily.uz) — Oʻzbekiston Respublikasi Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritishni nazarda tutuvchi qonun loyihasi parlament majlisida ikkinchi oʻqishda koʻrib chiqildi.
Ushbu qonun loyihasi Oʻzbekiston hududida mehnat faoliyatini amalga oshirish huquqini beruvchi tasdiqnomaga ega boʻlmagan chet el fuqarolari va fuqaroligi boʻlmagan shaxslar uchun javobgarlikni belgilaydi.
Shuningdek, tasdiqnomada koʻrsatilmagan mehnat faoliyati bilan shugʻullanganlik uchun javobgarlik joriy etilmoqda. Bunday maʼmuriy huquqbuzarliklar boʻyicha ishlarni koʻrib chiqish vakolati Davlat mehnat inspeksiyasi, ichki ishlar organlari va jinoyat ishlari boʻyicha sudlarga beriladi.
Qonun loyihasining maqsadi mehnat munosabatlari sohasidagi huquqbuzarliklarning oldini olish, fuqarolarning mehnat huquqlarini himoya qilishni kuchaytirish va mamlakatning xalqaro obroʻsini mustahkamlashdan iborat.
Majlisda qonun loyihasi qabul qilinib, Senatga yuborildi.