Oʻzbekiston WTM London 2026 koʻrgazmasida turistik salohiyatini namoyish etdi
Londondagi koʻrgazmada Oʻzbekiston madaniy, gastronomik va tabiiy yoʻnalishlarni, shuningdek, faol hordiq chiqarish imkoniyatlarini taqdim etadi.
Oʻzbekiston WTM London 2026 koʻrgazmasida turizm salohiyatini namoyish etmoqda
Oʻzbekiston 3–5 noyabr kunlari ExCeL London koʻrgazma markazida oʻtkazilayotgan World Travel Market (WTM) London 2026 xalqaro koʻrgazmasida mamlakatning turistik imkoniyatlarini namoyish etmoqda.
Ўзбекистоннинг S4-502 рақамли миллий стенди 11 та иштирокчини, жумладан, Uzbekistan Airways авиакомпанияси, Beldersoy Resort курорти ва тўққизта туроператорни — Orient Voyages, CATS, Rovet DMC, Sezam Travel, People Travel, Asia Luxe Travel, Orient Expeditions, Sanat Travel Experts ҳамда Ziyara Tour компанияларини бирлаштирди.
Ekspozitsiya turizm sohasining turli yoʻnalishlarini — aviatashuvlar, sayohatlarni tashkil etish, joylashtirish va hordiq chiqarishni qamrab oladi.
Milliy stendning bosh hamkori Beldersoy Resort boʻlib, u mamlakatning tabiiy landshaftlari qoʻynidagi hordiq chiqarish imkoniyatlarini taqdim etmoqda.
Samarqand, Buxoro va Xiva boʻylab anʼanaviy madaniy-tarixiy yoʻnalishlar bilan bir qatorda, Oʻzbekiston tomoni xorijiy ishtirokchilarni gastronomik, tabiiy va faol turizm bilan ham tanishtirmoqda.
Ushbu format mamlakatning turistik takliflari xilma-xilligini koʻrsatish va turli qiziqishlarga ega sayohatchilarni jalb qilishga qaratilgan.
WTM London koʻrgazmasidagi ishtirok oʻzbek kompaniyalariga xorijiy hamkorlar bilan muzokaralar oʻtkazish, turistik yoʻnalishlar va xizmatlarni taqdim etish, qoʻshma takliflarni muhokama qilish hamda xalqaro bozordagi ishtirokini mustahkamlash imkonini beradi.
World Travel Market koʻrgazmasi soha vakillarini ishbilarmonlik aloqalarini oʻrnatish va hamkorlikni rivojlantirish uchun birlashtiradigan turizm industriyasining yetakchi xalqaro maydonlaridan biridir.