Oʻzbekiston va Serbiya savdo-iqtisodiy hamkorlikni kengaytiradi

Oʻzbekiston va Serbiya savdo-iqtisodiy hamkorlikni chuqurlashtirish niyatida.

Joriy yilning 13-avgust kuni Oʻzbekiston investitsiya, sanoat va savdo vaziri Laziz Qudratov va Serbiya xalqaro iqtisodiy hamkorlik vaziri Nenad Popovich oʻrtasida onlayn muzokaralar boʻlib oʻtdi.

Oʻzbekiston investitsiya, sanoat va savdo vazirligi maʼlumotlariga koʻra, muloqot davomida tomonlar ikki mamlakat oʻrtasidagi savdo, iqtisodiy va investitsiya aloqalarini mustahkamlash masalalarini muhokama qilishdi.

Shu yilning kuzida Belgradda boʻlib oʻtishi rejalashtirilgan Iqtisodiy hamkorlik boʻyicha hukumatlararo komissiyaning birinchi yigʻilishiga tayyorgarlik koʻrishga alohida eʼtibor qaratildi.

Muzokaralar ishtirokchilari bir qator aniq savdo va investitsiya takliflarini tahlil qilishdi va kelgusidagi hamkorlikning asosiy yoʻnalishlarini aniqladilar. Bular qatoriga farmatsevtika, qishloq xoʻjaligi, kimyo, mashinasozlik, toʻqimachilik va transport infratuzilmasini rivojlantirish kiradi.

Uchrashuv yakunida Oʻzbekiston va Serbiya oʻzaro savdoni koʻpaytirish va yangi investitsiya va savdo loyihalarini amalga oshirishga qaratilgan qoʻshma saʼy-harakatlarni davom ettirishga kelishib oldilar.