Oʻzbekiston va Rossiya rahbarlari telefon orqali muloqot qildilar

Oʻzbekiston va Rossiya rahbarlari telefon orqali muloqot qildilar

Oʻzbekiston rahbari Rossiya yetakchisini Davlat Dumasiga saylovlar muvaffaqiyatli oʻtkazilgani bilan samimiy tabrikladi, shuningdek, parlamentning yangi tarkibiga sermahsul faoliyat tiladi.

Suhbat davomida oliy darajada erishilgan kelishuvlarni amalga oshirish kontekstida Oʻzbekiston-Rossiya strategik sheriklik va ittifoqchilik munosabatlarini yanada chuqurlashtirish masalalari koʻrib chiqildi.

Hukumatlararo komissiya va Hududlar kengashining navbatdagi yigʻilishlarini, shuningdek, Rossiyada Oʻzbekiston madaniyati kunlarini samarali oʻtkazish muhimligi taʼkidlandi.

Tomonlar, shuningdek, boʻlajak ikki tomonlama va koʻp tomonlama tadbirlar rejasini ham koʻrib chiqdilar.