Oʻzbekiston va Centre Pompidou hamkorlik toʻgʻrisidagi bitimni imzoladilar
Oʻzbekiston Madaniyat va sanʼatni rivojlantirish jamgʻarmasi va Parijning Centre Pompidou markazi uzoq muddatli hamkorlik hamda mamlakat sanʼati va madaniyatiga bagʻishlangan koʻrgazmani tayyorlash boʻyicha kelishib oldilar.
Oʻzbekiston va Centre Pompidou hamkorlik toʻgʻrisida bitim tuzdilar
Oʻzbekiston Madaniyat va sanʼatni rivojlantirish jamgʻarmasi hamda Parijdagi Centre Pompidou uzoq muddatli sheriklikni rivojlantirish va Oʻzbekiston sanʼati hamda madaniyatiga bagʻishlangan koʻrgazma oʻtkazishni nazarda tutuvchi hamkorlik toʻgʻrisidagi bitimni imzoladilar.
Hujjat 21 oktyabr kuni Parijda Jamgʻarma raisi Gayane Umerovaning Centre Pompidou prezidenti Loran Le Bon bilan uchrashuvi yakunlari boʻyicha imzolandi.
Erishilgan kelishuvlar doirasida Centre Pompidou’da xalqaro auditoriyani Oʻzbekiston sanʼati va madaniyati bilan tanishtiradigan koʻrgazma tashkil etish rejalashtirilmoqda.
Centre Pompidou zamonaviy sanʼat sohasidagi yetakchi xalqaro muassasalardan biri boʻlib, XX va XXI asrlarga oid yirik asarlar toʻplamiga ega.
Hamkorlik Oʻzbekiston Prezidenti Shavkat Mirziyoyev tashabbusi bilan amalga oshirilayotgan xalqaro madaniy aloqalarni mustahkamlash borasidagi ishlar doirasida rivojlanmoqda.