Oʻzbekiston «Turonbank», Xalqaro biznes markazi, «Oʻzekspomarkaz» va boshqa obʼyektlarni sotuvga qoʻyadi
Oʻzbekistonda xususiylashtiriladigan yirik davlat aktivlarining yangi roʻyxati tasdiqlandi. «Turonbank» aktsiyalarining 98,9 foizini, «Oʻzekspomarkaz»ning 91 foizdan ortigʻini, Xalqaro biznes markazining qariyb 80 foizini, shuningdek, sanoat, transport va savdo korxonalaridagi ulushlarni sotish rejalashtirilgan.
Oʻzbekiston «Turonbank», Xalqaro hamkorlik markazi, «Oʻzekspomarkaz» va boshqa obʼyektlarni sotuvga chiqarmoqchi
Oʻzbekiston bir qator yirik kompaniyalardagi davlat aktsiyalari va ulushlari paketlarini sotishni rejalashtirmoqda. Tegishli roʻyxat Prezidentning 28 avgustdagi iqtisodiyotda davlat ishtirokini qisqartirish toʻgʻrisidagi farmoni bilan tasdiqlangan.
Hujjatga koʻra, «Turonbank» aktsiyalarining 98,9 foizini ommaviy savdolarga chiqarish rejalashtirilgan. Bankni xususiylashtirishga tayyorlash Iqtisodiyot va moliya vazirligiga bankning xususiylashtirishga tayyorlik darajasini hisobga olgan holda va xalqaro konsultantlar xulosalari asosida topshirildi.
Shuningdek, «Xalq Sug‘urta» sugʻurta kompaniyasini ham toʻliq xususiylashtirish rejalashtirilgan — davlat ushbu kompaniya kapitalining 100 foiziga egalik qiladi.
Transport sohasida Toshkent yoʻlovchi vagonlarini qurish va taʼmirlash zavodining 90 foiz ulushi hamda «Oʻzbekiston temir yoʻllari» tizimiga kiruvchi Andijon mexanika zavodining 100 foiz ulushi sotuvga chiqariladi.
Bundan tashqari, quyidagilarni sotish koʻzda tutilgan:
Xalqaro hamkorlik markazi va «Oʻzekspomarkaz» uchun alohida shartlar belgilangan. Ularni xususiylashtirish Prezident Administratsiyasi bilan kelishilgan kontseptsiyalar va sotish shartlari asosida amalga oshirilishi kerak.
Roʻyxatga davlatning «Trastbank»dagi ulushi ham kiritilgan, biroq uning hajmi bor-yoʻgʻi 0,001 foizni tashkil etadi. Ushbu paketni qiymatini alohida baholamasdan, birja kotirovkasi boʻyicha sotishga ruxsat berilgan.
Xususiylashtirish yoʻl sohasiga ham daxl qiladi. Davlat «Avtomagistral» unitar korxonasidagi, shuningdek, avtomobil yoʻllarini qurish, foydalanish va saqlash boʻyicha bir qator hududiy korxonalardagi aktsiyalar va ulushlar paketlarini sotish niyatida.
Roʻyxatdan koʻplab savdo obʼyektlari ham joy olgan. Namangan, Samarqand, Surxondaryo, Toshkent va Fargʻona viloyatlaridagi dehqon bozorlari va savdo majmualaridagi davlat ulushlarini sotish rejalashtirilgan. Ularning aksariyatida nazorat paketlari davlatga tegishli.