«Oʻzbekiston talabalar teatrlari ligasi» loyihasi II Xalqaro «Yevraziya» mukofoti gʻolibi boʻldi

«Oʻzbekiston talabalar teatrlari ligasi» loyihasi II «Yevraziya» xalqaro mukofoti gʻolibi deb topildi

Oʻzbekiston Davlat yoshlar teatri direktori Farhod Oʻktamovich Joʻrayev «Rossotrudnichestvo»ning Oʻzbekiston Respublikasidagi vakolatxonasi tomonidan Oʻzbekiston Davlat yoshlar teatri bilan hamkorlikda amalga oshirilayotgan «Oʻzbekiston talabalar teatrlari ligasi» loyihasi bilan II «Yevraziya» xalqaro mukofotining «Madaniy kod» nominatsiyasida gʻolib boʻldi.

«Oʻzbekiston talabalar teatrlari ligasi» — bu talabalar teatr harakatini rivojlantirish, ijodkor yoshlarni qoʻllab-quvvatlash hamda rus tili va Rossiya va Oʻzbekistonning mumtoz adabiy merosini ommalashtirishga qaratilgan uzoq muddatli madaniy-maʼrifiy loyihadir.

Loyiha doirasida oliy oʻquv yurtlari talabalari aktyorlik mahoratida oʻzlarini sinab koʻrish, professional rejissyorlar bilan ishlash va teatr sahnasiga chiqish imkoniyatiga ega boʻlmoqdalar. Qozon federal universitetining Jizzax filiali talabalari ishtirokida sahnalashtirilgan va tomoshabinlar tomonidan keng eʼtirof etilgan «Bu yerda tonglar osuda» spektakli eng eʼtiborga molik voqealardan biri boʻldi.

Xalqaro darajadagi bu gʻalaba yoshlar ijodiyotni rivojlantirish va Rossiya hamda Oʻzbekiston oʻrtasidagi madaniy-gumanitar aloqalarni mustahkamlash boʻyicha birgalikdagi ishlarning muhimligini tasdiqlaydi.