Oʻzbekiston simli internet tezligi boʻyicha MDH davlatlari orasida 1-oʻringa chiqdi

Oʻzbekiston Speedtest Global Index reytingida simli internet tezligi boʻyicha MDH davlatlari orasida 1-oʻrinni egalladi. Bu haqda Raqamli texnologiyalar vazirligi maʼlum qildi.

Avgust oyida Oʻzbekistonda simli internet orqali maʼlumotlarni yuklab olishning oʻrtacha tezligi 94,23 Mbit/s dan 94,50 Mbit/s gacha oshdi. Buning evaziga mamlakat jahon reytingida 76-oʻrindan 73-oʻringa koʻtarildi.

Mobil internet tezligida ham oʻsish qayd etildi. Avgust oyida yuklab olish tezligi 62,42 Mbit/s dan 65,27 Mbit/s gacha koʻtarildi va Oʻzbekiston 75-oʻrindan 72-oʻringa koʻtarildi. Shuningdek, 2026 yil boshidan buyon mobil internetni yuklab olish tezligi 27 foizga oshgani qayd etilgan.

Sakkiz oy ichida ushbu koʻrsatkich 51,42 Mbit/s dan 65,27 Mbit/s gacha oshdi.

Mobil internet tezligi boʻyicha jahon reytingida 65 pogʻona.

Adliya hamda Raqamli texnologiyalar vazirliklari tomonidan Telekommunikatsiya xizmatlarini koʻrsatish qoidalarining yangi tahriri roʻyxatdan oʻtkazildi. Bu mobil va boshqa aloqa xizmatlaridan foydalanish tartibini soddalashtirish imkonini beradi.

2026 yil 1 may kuni Shavkat Mirziyoyev tanishgan taqdimotda Oʻzbekiston maktablarida internet infratuzilmasini yaxshilash masalasi ham koʻtarilgan edi.

Unda mamlakatdagi maktablarning 69 foizida Wi-Fi hududlari mavjud emasligi, 5 mingta kompyuter sinfi eskirgani, 2 mingta maktabda esa bunday xonalar umuman yoʻqligi qayd etilgan.

Shu sababli, maktablarda bepul Wi-Fi nuqtalarini joriy etish, internet tezligini oshirish va 2030 yilgacha 16 mingta kompyuter sinfini yangilash choralarini koʻrish belgilangan.