Oʻzbekiston Ozarbayjonda yangi neftni qayta ishlash zavodida hamkorga aylanishi mumkin.
Oʻzbekiston Ozarbayjonda yangi neftni qayta ishlash zavodini qurish loyihasida ishtirok etishni koʻrib chiqmoqda. Ushbu zavodda ishlab chiqarilgan avtomobil va aviatsiya yoqilgʻisining bir qismi Oʻzbekiston bozoriga eksport qilinishi kutilmoqda.
Ushbu tashabbusni energetika vaziri Sherzod Xodjayev eʼlon qildi. Shuningdek, u tomonlar ikki mamlakat zavodlarida neft mahsulotlarini birgalikda ishlab chiqarish boʻyicha muzokaralar olib borayotganini maʼlum qildi.
Vazirning soʻzlariga koʻra, bunday hamkorlik Oʻzbekiston ichki bozoriga yoqilgʻi yetkazib berishni barqarorlashtirish imkonini beradi. Shu bilan birga, mamlakatlar Ustyurt platosida uglevodorod qazib olish loyihasini ishlab chiqmoqdalar va Qozogʻiston bilan Oʻzbekistonda ishlab chiqarilgan yashil elektr energiyasini Yevropaga eksport qilish boʻyicha ish olib bormoqdalar.
Avvalroq, “Oʻzbekneftegaz” va Ozarbayjonning SOCAR kompaniyalari Oʻzbekistonda zamonaviy yoqilgʻi quyish shoxobchalari tarmogʻini yaratish imkoniyatlarini birgalikda oʻrganish boʻyicha kelishuvga erishganliklari haqida xabar berilgan edi.