Oʻzbekiston Iqtisodiyot va moliya vazirligida Finlyandiya investorlari va pensiya jamgʻarmalari bilan muzokaralar boʻlib oʻtdi
Oʻzbekiston Iqtisodiyot va moliya vazirligida Finlyandiya investorlari va pensiya jamgʻarmalari bilan muzokaralar boʻlib oʻtdi
4 sentyabr kuni iqtisodiyot va moliya vaziri maslahatchisi Jasur Qarshiboyev yirik xalqaro institutsional investorlar vakillari bilan uchrashuv oʻtkazdi.
Muzokaralarda Finlyandiya Davlat pensiya jamgʻarmasi, Ilmarinen, Elo va Veritas qoʻshma pensiya va sugʻurta kompaniyalari, shuningdek, SOKA-BAU va Aktia Bank Oyj tashkilotlari vakillari ishtirok etdi.
Suhbat davomida xorijiy tomonga Oʻzbekiston Prezidenti rahnamoligida amalga oshirilayotgan iqtisodiy va tarkibiy islohotlar, shuningdek, respublikaning bugungi makroiqtisodiy holati va rivojlanish istiqbollari toʻgʻrisida batafsil maʼlumot taqdim etildi. Investorlar mamlakatda amalga oshirilayotgan oʻzgarishlar va ichki moliya bozorini rivojlantirish borasidagi ishlarni yuqori baholadilar.
Xorijiy investorlar Oʻzbekiston davlat gʻaznachilik obligatsiyalari bozoriga chiqishga qiziqish bildirdilar. Uchrashuv doirasida tomonlar ichki moliya bozori imkoniyatlari, mamlakatning suveren kredit reytingini yanada oshirish, investitsiyaviy darajaga erishish, davlat qarzini samarali boshqarish, milliy valyutada moliyalashtirish imkoniyatlarini kengaytirish va mahalliy kapital bozorini rivojlantirish masalalarini atroflicha muhokama qildilar.